پاکستان تحریک انصاف چونیاں کے نائب صدر احسان گل نے استحکام پاکستان پارٹی میں شمولیت کا اعلان کردیا ہے۔

تفصیلات کے مطابق پی ٹی آئی چونیا کے نائب صدر احسان گل نے جنرل سیکرٹری استحکام پاکستان پارٹی لاہور ڈویژن میاں خالد محمود کے ساتھ ملاقات کی۔

پی ٹی آئی چھوڑ کر آنے والے رہنما احسن گل نے عبدالعلیم خان اور جہانگیر خان ترین کی قیادت پر بھرپور اعتماد کا اظہار کیا۔

میاں خالد محمود نے احسن گل کو پارٹی میں خوش آمدید کہا۔

اس موقع پر احسن گل کا کہنا تھا کہ استحکام پاکستان پارٹی ملک کی تعمیر، ترقی اور استحکام کے وژن پر گامزن ہے، 9 مئی کا واقعہ تاریخی سانحہ ہے، واقعہ کی شدید مزمت کرتے ہیں۔

انہوں نے کہا کہ اپنے اداروں اور قوم کے ساتھ کھڑے ہیں۔

میاں خالد محمود کے مطابق پارٹی میں شمولیتوں کا سلسلہ جاری ہے، آئندہ مزید خوشخبریاں ملیں گی۔

یو ای ٹی ایمپلائز یونین کے عہدیداران نے بھی آئی پی پی میں شمولیت کا اعلان کردیا

عثمان علی، آمیش انور اور ارشاد کھوکھر نے میاں خالد محمود کے ساتھ ملاقات میں شمولیت کا اعلان کیا۔

میاں خالد محمود نے شمولیت اختیار کرنے والوں کو پارٹی پرچم کے مفلر پہنائے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں