ایسے تمام افراد جو جوڑوں کے درد میں مبتلا ہیں انہیں چاہئے کہ وہ جسم میں سوزش کا سبب بننے غذاؤں سے مکمل پرہیز کریں جیسے سیچوریٹڈ فیٹ اور اضافی چینی۔ کیونکہ جوڑوں کا یہ درد اندرونی سوزش کے نتیجے میں پیدا ہوتا ہے یہ درد اتنا شدید ہوتا ہے کہ اس میں مبتلا شخص روزمرہ ے معمولات زندگی کو انجام دینے سے قاصر رہتا ہے۔

جوڑوں کے درد میں مبتلا شخص کے لیے یوں توکئی دوائیں تجویز کی جاتی ہیں توہم کچھ غذائیں ایسی بھی جو سوزش کا سبب بنتی ہیں لہذا ان سے پرہیز کرنا ضروری اور کچھ غذاٗئیں سوزش کو کم کرنے میں معاون ثابت ہوتی ہیں یہاں پر انہی غذاؤں کا ذکر کیا جارہا ہے۔

سوزش کا سبب بننے والی غذائیں

دودھ اور دودھ سے تیار مصنوعات، زیاد نمک والے کھانے، چینی سے بنی غذائیں، ریفائینڈ کاربوہائیڈریٹس اورتمباکو نوشی۔

جوڑوں کے درد میں مفید غذائیں

ایسی غذائیں جن میں یہ اجزاء موجود ہوں جوڑوں کے درد میں مفید تصور کی جاتی ہیں جیسے اومیگا 3 فیٹی ایسڈ، کیلشیم، وٹامن ڈی، اینٹی آکسیڈینٹ جیسے وٹامن سی۔ یہ اجزاء کن غذاؤں میں موجود ہوتے ہیں جانتے ہیں۔

ہلدی

 شوخ زرد رنگت والی ہلدی کو اب دنیا بھر میں سپرفوڈ کا درجہ دیا جاچکا ہے۔ اس کی وجہ ایک ہی مشہور کیمیکل ’کرکیومِن‘ ہے جو ہلدی میں بکثرت پایا جاتا ہے۔ یہ اینٹی سوزش خصوصیات رکھتا ہے اسی لیے اسے گھٹیا کے مرض میں مفید تصور کیا جاتا ہے۔ لہذا جوڑوں کے درد میں کمی کے لیے غذا میں ہلدی کی مقدار کو بڑھا دیں ساتھ ہی اسے اسمودی، دودھ، سوپ اور سالاد میں بھی ملا کر استعمال کیا جاسکتا ہے۔

اخروٹ

اخروٹ اومیگا تھری فیٹی ایسڈ کے حصول نہایت مؤثر ذریعہ ہے اسی لئے یہ جوڑوں کے درد میں مبتلا افراد کے لیے کسی مسیحا سے کم نہیں۔ ماہرین صحت ایسے افراد کے لیے جو گھٹیا کے مرض میں مبتلا ہو اخروٹ کو روز استعال کرنے پر زور دیتے ہیں۔

سالمن

سالمن مچھلی میں کیلشیم، وٹامن ڈی اور اومیگا تھری فیٹی ایسڈ وافر مقدار میں موجود ہوتے ہیں۔

یہ اومیگا 3 چکنائی جسم میں امیونو ماڈیولنگ اور سوزش کے خلاف کام کرتی ہے، جو جوڑوں کے درد سے منسلک سوزشی پیدا کرنے والے عوامل کو کم کرنے میں مدد فراہم کرتی ہے۔

کھٹی چیری کا رس

عام طور پر بیریاں ہر طرح کی سوزش کی ممکنہ وجہ کو کم کرنے میں مدد گار ثابت ہوتی ہیں۔ تاہم اس فہرست میں چیری بھی کسی سے کم نہیں خصوصاً کھٹی چیری کا رس جوڑوں کے درد کو کم کرنے معاون ثابت ہوتا ہے۔

شاخ گوبھی (بروکولی)

بروکولی جہاں اینٹی آکسیڈنٹس اور فائبرحاصل کرنے کا ایک بہترین ذریعہ ہے تو وہی یہ سلفورافین سے بھرپور ہوتی ہے۔

سلفر سے بھرپور یہ مرکب بروکولی میں پایا جاتا ہے جو اینٹی آکسیڈینٹ جیسے خواص رکھتا ہے اور گٹھیا کی علامات دورکرنے میں مددگار ثابت ہوسکتا ہے۔

پھلیاں اور دالیں

پھلیاں اور دال اکثر گیس اور اپھارہ کا سبب بنتی ہیں تاہم ان میں بعض اقسام سوزش دور کرکے مجموعی صحت کو فروغ دیتی ہیں۔

یہ میگنیشیم حاصل کرنے کا ایک بڑا ذریعہ بھی ہیں، جو سوزش کو کم کرنے میں مدد گار ثابت ہوتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں