بلوچستان کی عوام کے لیے پاک فوج کی خدمات کا سلسلہ جاری ہے، پاک فوج کی جانب سے مفت میڈیکل کیمپ کا انعقاد کیا گیا ہے۔

تفصیلات کے مطابق پاک فوج کی جانب سے مفت میڈیکل ٹیم میں جنرل فزیشن، میڈیکل آفیسر، ڈینٹسٹ اور پیڈیاٹریشن شامل تھے۔

میڈیکل کیمپ میں پاک فوج کے ڈاکٹرز نے ایک ہزار سے زائد مریضوں کا مفت علاج کیا اور مریضوں کو علاج کے ساتھ ساتھ مفت ادویات اور راشن فراہم کیا۔

اس کے علاوہ میڈیکل کیمپ میں مریضوں کے لئے ای سی جی اور الٹراساؤنڈ کی سہولیات بھی موجود تھیں۔

کیمپ میں مریضوں کو علاج کے ساتھ ساتھ صحت اور غذائیت سے متعلق آگاہی بھی فراہم کی گئی، تاہم عوام نے پاک فوج کے اس اقدام کو خوب سراہا۔

دوسری جانب پاک فوج کی جانب سے ایس او ایس اسکول قائم کیا گیا، ایس او ایس چلڈرن ویلیج یتیموں اور بے سہارا بچوں کا ایک فلاحی ادارہ ہے جو 2005 میں قائم ہوا، اس میں 146 یتیم بچے بشمول 16 مائیں مقیم ہیں جو کہ ان بچوں کی دیکھ بھال کرتی ہیں۔

اس حوالے سے چلڈرن ویلیج کوئٹہ کے چیئرپرسن ایس و ایس نے بتایا کہ اس ادارے میں بلوچستان بھر کے بے سہارا بچوں کی پرورش، تعلیم اور انہیں ایک ماں کا پیار دیا جاتا ہے، ایف سی بلوچستان ہمیں راشن، تزئین و آرائش اور دیگر فلاحی کاموں میں مدد فراہم کررہی ہے۔ اس بلاک کی تمام سہولیات اور تزئین و آرائش ایف سی کی جانب سے کی جاتی ہے۔

چیئرپرسن نے مزید کہا کہ پاکستان آرمی اور ایف سی نے ہمیشہ ہمیں میڈیکل، تعلیم اور دیگر شعبوں میں معاونت فراہم کی، ایف سی اسپتال کوئٹہ میں ایس او ایس کے یتیم بچوں کا فری علاج و معالجہ کیا جاتا ہے۔ ہم پاکستان آرمی اور ایف سی بلوچستان کے ایس وایس چلڈرن ویلیج سے تعاون پر مشکور ہیں۔

واضح رہے کہ عوام نے پاک فوج کی بےلوث خدمات کا خیرمقدم کرتے ہوئے احسان مندی کا اظہار کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔