نگراں وزیر اعلیٰ سندھ جسٹس (ر) مقبول باقر نے صوبے میں زندگی بچانے والی ادویات کی کمی پر برہمی کا اظہار کیا۔

تفصیلات کے مطابق وزیر اعلیٰ سندھ جسٹس (ر) مقبول باقر نے اسپتالوں اور مارکیٹس میں غیر معیاری دوائوں کی فروخت پر کارروائی کا حکم دے دیا۔

نگران وزیر اعلیٰ سندھ مقبول باقر نے صوبائی وزیر صحت ڈاکٹر سعد خالد نیاز سے ٹیلی فونک رابطہ کر کے تمام سرکاری اسپتالوں میں معیاری دوائوں کی فراہمی کو یقینی بنانے کی ہدایت کر دی۔

جسٹس (ر) مقبول باقر نے محکمہ صحت سے زندگی بچانے والی ادویات کی کمی پر رپورٹ طلب کرتے ہوئے کہا کہ محکمہ صحت جعلی دوائوں کی فروخت کے خلاف متعلقہ عناصر کے خلاف سخت کارروائی کرے، انسانی زندگی سے کھیلنے والے کسی عناصر کو نہیں بخشا جائے گا، محکمہ صحت کے متعلقہ افسران میڈیسن مارکیٹس میں انسپیکشن کو یقینی بنائیں۔

ان کا کہنا تھا کہ ڈینگی اور ملیریا کی روک تھام کے لئے مزید اقدامات کیلئے جائیں، تمام بلدیاتی ادارے اپنے متعلقہ علاقوں میں مچھرمار اسپرے لازمی کروائیں۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں