ماہرین صحت کا کہنا ہے کہ بچے کی صحت کیلئے 6 ماہ تک ماں کا دودھ بچے کا حق ہے۔

تفصیلات کے مطابق ماں کے دودھ کی افادیت سے متعلق آگاہی کا عالمی مہینہ اگست 2023 کی مناسبت سے نیوٹریشن پروگرام محکمہ صحت بلوچستان اور یونیسیف کے تعاون سے چلڈرن اسپتال کوئٹہ میں سیمینار کا انعقاد ہوا۔

ڈائریکٹر نیوٹریشن سیل بلوچستان، ڈاکٹر نعیم اللہ زرکون، سی ای او بی سی ایچ کیو ڈاکٹر حبیب اللہ بابر، پروفیسر بشیر ابڑو، ڈاکٹر شماٸل مندوخیل،  یونیسیف نیریشن أفیسر  عمران جتوٸی، ڈاکٹر عامر اکرم صدر پی پی اے ڈاکٹر عطاء اللہ بزنجو، پراونشل نیوٹریشن منیجر سلطان ترین نے سیمینار سے خطاب کیا۔

سینیر ڈاکٹرز اورطبی عملہ سمیت مختلف مکاتب فکر سے تعلق رکھنے والے افراد بھی سیمینار میں شریک تھے اور سیمینار کے اہتمام کا مقصد نوزائیدہ بچے کو پیدائش کے فوراً بعد ماں کا دودھ شروع کروانے سے متعلق آگاہی فراہم کرنا تھا۔

ماہر ڈاکٹرز طبی ماہرین اور دیگر شرکاء نے سیمینار سےخطاب کرتے ہوئے کہا کہ بچے کو چھ ماہ کی عمر تک صرف اور صرف ماں کا دودھ پلائیں، ماں کا دودھ بچے کا بنیادی حق ہے، ماں کے دودھ کی بچے تک فراہمی معاشرے کی اولین زمہ داری ہے۔

شرکاء  کا کہنا تھا کہ اس طرح کے سیمینار کا مقصد ماں کے دودھ کی افادیت کے حوالے سے مؤثر معلومات فراہم کرنا ہے۔

انہوں نے بتایا کہ چھ ماہ کی عمر کے بعد سے بچے کوخوراک شروع کروائیں کیونکہ بچے کی اچھی نشوونما کیلئے ماں کے دودھ کے ساتھ ساتھ بچے کو اضافی خوراک کی بھی ضرورت ہوتی ہے، ماں کے دودھ کی افادیت اور غزایت کی آگاہی کے حوالے سے تمام اسٹیک ہولڈرز سمیت میڈیا ، مزہبی سکالرز، علماء کرام کو بھی موثر کردار ادا کرنے کی ضرورت ہے۔

 اس موقع پر آگاہی واک کا بھی اہتمام کیا گیا جس میں ڈاکٹرز طبی عملہ سمیت سماجی کارکنوں اور شہریوں نے شرکت کی۔