محسن نقوی کا جنرل ہسپتال کا دورہ؛ ہسپتال کی حالت زار پر شدید برہم

ویب ڈیسک

13th Aug, 2023. 07:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محسن نقوی کا جنرل ہسپتال کا دورہ؛ ہسپتال کی حالت زار پر شدید برہم

نگران وزیر اعلیٰ پنجاب محسن نقوی نے جنرل ہسپتال کا دورہ کیا ہے۔

تفصیلات کے مطابق نگران وزیر اعلیٰ پنجاب محسن نقوی نےجنرل ہسپتال کا دورہ کیا جہاں واش رومز کی ابتر صورتحال اور ناقص صفائی پر مریضوں اور تیمارداروں نے شکایات کے انبار لگا دیئے جس پر محسن نقوی ہسپتال کی حالت زار پر شدید برہم ہوگئے۔

نگران وزیر اعلیٰ پنجاب محسن نقوی نے صوبائی وزیر سپیشلائزڈ ہیلتھ ڈاکٹر جاوید اکرم، سیکرٹری صحت پرنسپل اور ایم ایس کو فوری طور پر ہسپتال پہنچنے کا حکم دیا۔

محسن نقوی نے مختلف وارڈز کا معائنہ کیا، مریضوں اور تیمارداروں سے ملاقات کی، علاج معالجے کی سہولتوں اور اے سی چلنے کے بارے دریافت کیا جبکہ مریضوں اور تیمارداروں نے اے سی بند کی شکایات کیں جس پر محسن نقوی نے کہا کہ افسوس کا مقام ہے کہ واضح ہدایات کے باوجود اے سی ٹھیک نہیں کئے گئے۔

نگران وزیر اعلیٰ پنجاب محسن نقوی نے موقع پر ہی فون کرکے صوبائی وزیر ڈاکٹر جاوید اکرم، سیکرٹری صحت اور پرنسپل کو ہسپتال پہنچنے کی ہدایت کی اور کہا کہ مریضوں کی شکایات کو فی الفور ازالہ کیا جائے۔