وفاقی دارلحکومت غیر قانونی رہائشی منصوبوں کی جنت بن گیا۔

تفصیلات کے مطابق اسلام آباد میں غیرقانونی ہاؤسنگ سوسائٹیوں کی تعداد 185 ہو گئی۔

سی ڈی اے نے زون ون میں 24، زون ٹو میں 7، زون تھری میں 15، زون فور میں 110، زون فائیو میں 29 رہائشی منصوبے غیر قانونی قرار دے دیے۔

سی ڈی اے کا کہنا ہے کہ اسلام آباد کے باہر کی کچھ ہاؤسنگ سوسائٹیاں بھی یہاں کا ہونے کا دعویٰ کر رہی ہیں، اسلام آباد کے باہر کی سوسائٹیاں غیر قانونی مارکیٹنگ میں مصروف ہیں، سی ڈی اے سے این او سی کے بغیر رہائشی منصوبوں کی مارکیٹنگ غیر قانونی ہے، مارکیٹنگ ایجنسیاں غیر قانونی ہاؤسنگ سوسائٹیوں کی تشہیر سے باز رہیں۔

ادارے نے کہا کہ شہری کسی بھی منصوبے میں سرمایہ کاری سے پہلے تصدیق کر لیں، کسی بھی پلاٹ کی بکنگ یا خریداری سے سوسائٹی کی لیگل حیثیت کی تصدیق کر لیں، کسی بھی ہاؤسنگ سوسائٹی کی سی ڈی اے سے منظوری کے دو مراحل ہیں۔

سی ڈی اے نے کہا کہ لے آوٹ پلان کی منظوری اور دیگر قانونی لوازمات پورے کرنے کے بعد این او سی جاری کیا جا سکتا ہے، این او سی کی منظوری کے بعد ہی کوئی بھی ہاؤسنگ سوسائٹی پلاٹ بکنگ یا فروخت کر سکتی ہے۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں