ملک کے بیش تر میدانی علاقوں میں چند روز تک موسم گرم اور مرطوب رہے گا۔

تفصیلات کے مطابق محکمہ موسمیات نے اپنے جاری کردہ بیان میں بتایا کہ اسلام آباد میں موسم گرم اور مرطوب رہنے کے علاوہ مطلع جزوی ابرآلود رہے گا، خیبرپختونخوا کے میدانی علاقوں میں موسم گرم اور انتہائی مرطوب رہے گا جبکہ کرم، وزیرستان اور پاراچنار میں چند مقامات پر بارش ہو سکتی ہے۔

ادارے نے کہا کہ پنجاب کے مشرقی علاقوں میں مطلع ابرآلود رہنے کے علاوہ موسم گرم اور انتہائی مرطوب رہے گا۔

محکمہ موسمیات نے کہا کہ شکر گڑھ، سیالکوٹ، نارووال، لاہور اور گجرات میں گرج چمک کے ساتھ بارش کا امکان ہے۔

ادارے کا کہنا تھا کہ بلوچستان اور سندھ کے بیشتر اضلاع میں موسم گرم اور مرطوب رہے گا، میرپورخاص اور سکھر میں مطلع جزوی ابر آلود رہے گا، گلگت بلتستان میں مطلع جزوی ابر آلود رہے گا جبکہ کشمیر میں آندھی اور گرج چمک کے ساتھ بارش کا امکان ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں