جمعیت علماء اسلام (جے یو آئی) کے وفد کی چیئرمین الیکشن کمیشن سے ملاقات ہوئی جس میں آئندہ انتخابات پر تبادلہ خیال کیا گیا۔

تفصیلات کے مطابق جمعیت علماء اسلام کے 7 رکنی وفد کی سینیٹر مولانا عبدالغفورحیدری کی قیادت میں چیئرمین الیکشن سے ملاقات ہوئی جس میں سینیٹر کامران مرتضیٰ، مولانا عطاء الحق درویش،  جلال الدین ایڈوکیٹ، راؤ عبدالقیوم، عطاء اللہ شاہ ایڈوکیٹ، نوراحمد ودیگر موجود تھے۔

ملاقات میں آئندہ انتخابات کے حوالے سے تفصیلی تبادلہ خیال کیا گیا۔

سینیٹر مولانا عبدالغفورحیدری نے کہا کہ جمعیت آئین کی دی ہوئی مدت میں صاف وشفاف الیکشن چاہتی ہے، 2018 کے بدترین انتخابات کی تاریخ نہیں دھرانی چائیے، 2018 کے الیکشن پاکستان میں سیاہ ترین الیکشن کے طور پر یاد رکھا جائے گا، 2018 کے انتخابات کے نتیجے میں جو حکومت آئی انہوں نے معاشی بدحالی، بیروزگاری اور لاقانونیت کے سوا کچھ نہیں دیا۔

   انہوں نے کہا کہ ملکی معیشت کو نقصان پہنچا ہر طرف لوٹ مار اور کوئی کسی کو قانون کا پابند نہیں سمجھتا تھا، 2018 کے انتخابات کے نتیجے میں قومی اور ریاستی اداروں کو نقصان پہنچا، اگر آنے والے انتخابات میں 2018 کی تاریخ دھرائی گئی تو ملک کو نقصان سے کوئی نہیں بچا سکتا۔

ان کا کہنا تھا کہ ہم چاہتے ہیں کہ انتخابات صاف اور شفاف ہوں جس سے پوری قوم کا اتفاق ہو، الیکشن کمیشن کو یہ تجویز دی کہ ہر ضلع کے الیکشن کمیشن چئیرمن کو ڈی ۔آر ۔او بنایا جائے، الیکشن کا پورا سسٹم الیکشن کمیشن کے ہاتھ میں ہو تب انتخابات کی شفافیت کسی حد تک ممکن ہے۔

سینیٹر مولانا عبدالغفورحیدری نے مزید کہا کہ مردم شماری کے نتیجے میں بلوچستان کے 63 لاکھ آبادی کو ختم کرنے کی کوشش ہورہی ہے جو بالکل ناانصافی ہے، الیکشن کمیشن نے صدر مملکت کو جواب دیا ہے کہ انتخابات کرانا الیکشن کمیشن کا کام ہے آپ ہمیں ڈکٹیٹ نہ کریں۔

الیکشن کمیشن کی رائے ہے کہ موجودہ مردم شماری کی روشنی میں مربوط حلقہ بندیاں تشکیل دیکر فوری طور پر انتخابات کرایا جائے۔

حالات حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں