پاک فوج نے ریسکیو آپریشن کر کے بیشتر غیر ملکی کوہ پیماؤں کو بحفاظت بچا لیا ہے۔

تفصیلات کے مطابق 17 اگست 2023 کو 1 مقامی گائیڈ، 1 پولش جبکہ 4 برطانوی کوہ پیماؤں کی ٹیم کنکورڈیا اور شگر کے مقام پر بری طرح پھنس گئی تھی، جن کو بچانے کیلئے پاک فوج نے ریسکیو آپریشن کردیا تھا۔

پاک فوج کا کوہ پیماؤں کے لیے ریسکیو آپریشن
بیشتر غیر ملکی کوہ پیماؤں کو بحفاظت بچالیا گیا
براہ راست دیکھیں:https://t.co/WomWlCmUIR #BOLNews #PakArmy pic.twitter.com/6N50Qaslpx

— BOL Network (@BOLNETWORK) August 18, 2023

پاک فوج نے 4 برطانوی کوہ پیماؤں کو برف پوش پہاڑی سلسلہ کنکورڈیا کے مقام جبکہ 1 پولش کوہ پیما بشمول مقامی گائیڈ اور شگر کے مقام جو تقریباً *1700 فٹ* کی بلندی پر ہے، سے ریسکیو کیا۔

برطانوی کوہ پیماؤں میں مسٹر جارج ہرسٹ، مسٹر ڈیوڈ کوپ، مسٹر اسٹیفن ریان اور مسٹر ڈیرن کوربی شامل ہیں جبکہ پولش کوہ پیما کا نام مسٹر ایڈم ہے جو مقامی گائیڈ محمد اقبال کے ہمراہ تھے۔

اطلاع ملنے پر پاک فوج کی طرف سے فوری کارروائی عمل میں لاتے ہوئے پاکستان آرمی ایوی ایشن کے ہیلی کاپٹروں کے ذریعے ریسکیو آپریشن شروع کیا گیا۔

تمام کوہ پیماؤں کو شدید زخمی حالت میں ریسکیو کیا گیا  جنکو سانس لینے میں شدید دشواری کا مسئلہ تھا۔

ریسکیو آپریشن میں پاک فوج کے جوانوں نے بروقت طبی امداد پہنچاتے ہوئے کوہ پیماؤں کو بچا کر ایک نئی مثال قائم کی، تاہم غیر ملکی کوہ پیما پاک فوج کے مشکور اور انکی کاوشوں کے معترف ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں