صدر اسلام آباد چیمبر نے پٹرولیم مصنوعات کی قیمتوں میں بھاری اضافہ مسترد کر دیا

عمر حیات خان

01st Aug, 2023. 06:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر اسلام آباد چیمبر نے پٹرولیم مصنوعات کی قیمتوں میں بھاری اضافہ مسترد کر دیا

صدر اسلام آباد چیمبر آف کامرس اینڈ انڈسٹری احسن ظفر بختاوری نے پٹرولیم مصنوعات کی قیمتوں میں بھاری اضافہ مسترد کر دیا ہے۔

تفصیلات کے مطابق صدر اسلام آباد چیمبر آف کامرس اینڈ انڈسٹری احسن ظفر بختاوری نے پٹرولیم قیمتوں میں اضافے پر بیان کاری کرتے ہوئے کہا کہ پیٹرولیم مصنوعات کی قیمتوں میں غیر معمولی اضافہ مہنگائی کا نیا طوفان لائے گا۔

انہوں نے کہا کہ پیٹرول اور ڈیزل کی قیمتوں میں تقریبا 20 روپے اضافہ غیر معمولی ہے، قیمتوں میں اضافے سے عوام کی قوت خرید میں کمی اور کاروباری سرگرمیاں ماند پڑ جائیں گی۔

ان کا کہنا تھا کہ کاروبار اور عوام کو مہنگائی کے تباہ کن نتائج سے بچانے کیلئے حکومت فیصلے پر فوری نظرثانی کرے۔

ان کا یہ بھی کہنا تھا کہ ڈیزل مہنگا ہونے سے ٹرانسپورٹ کی لاگت مزید بڑھ جائیں گی جو شدید مہنگائی کا باعث بنے گی، 22 فیصد شرح سود سے نجی شعبے کیلئے قرضے مزید مہنگے ہوگئے ہیں، پیٹرولیم اور بجلی قیمتوں میںاضافہ پیداواری لاگت میں غیر معمولی اضافہ کرے گا۔

صدر اسلام آباد چیمبر آف کامرس اینڈ انڈسٹری احسن ظفر بختاوری نے مزید کہا کہ سخت فیصلے کرنے کی بجائے حکومت کاروبار کیلئے آسانیاں پیدا کرنے پر توجہ دے۔