نگران وزیراعلیٰ سندھ سے متعلق تمام سیاسی جماعتوں نے مشاورت شروع کردی ہے۔

اس حوالے سے ذرائع نے بتایا کہ نگران وزیراعلیٰ سے متعلق وزیر اعلیٰ سندھ سید مراد علی شاہ نے اسلام آباد میں پارٹی قیادت سے مشاورت کی۔ تاہم پیپلز پارٹی کے بعد ایم کیو ایم اور جی ڈی اے نے بھی نگران وزیر اعلیٰ کے نام دے دیے۔

ذرائع کے مطابق پیپلز پارٹی کی طرف سابق چیف سیکٹری سندھ ممتاز شاہ اور جسٹس رٹائرڈ مقبول باقر کے نام زیر غور ہیں جبکہ جی ڈی اے کی طرف سے نگران وزیر اعلیٰ کے لیے ڈاکٹر صفدر عباسی، غلام مرتضٰی جتوئی اور حسین ہارون کے نام زیر غور ہیں۔

اس کے علاوہ نگران وزیر اعلیٰ کے لیے ایم کیو ایم نے یونس ڈھاگا اور شعیب صدیقی کا نام فائنل کرلیا۔ نگران وزیر اعلیٰ کے لیے مشاورت کے لیے ایم کیو ایم اور جی ڈی اے کی ملاقات جمع کے کے روز متوقع ہے۔

ذرائع کے مطابق جی ڈی اے کی جانب سے رحمت اللہ جعفری، بریگیڈیئر ریٹائرڈ مختار کے نام تجویز کیے گئے ہیں۔

ذرائع نے بتایا کہ دونوں جماعتوں کے درمیان آخری بیٹھک میں نگران وزیراعلیٰ سندھ کے امیدوار کا نام فائنل کیا جائے گا جس کے بعد اپوزیشن لیڈر سندھ اسمبلی اور وزیر اعلیٰ سندھ کے درمیان ملاقات ہوگی۔

ذرائع کا مزید کہنا ہے کہ اپوزیشن لیڈر رعنا انصار وزیراعلیٰ سندھ سید مراد علی شاہ کو نگران سیٹ اپ سے متعلق فائنل کیا گیا نام پیش کرینگی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں