وفاقی وزیر اطلاعات مریم اورنگزیب نے کہا ہے کہ چیئرمین پی ٹی آئی کی گرفتاری کا سیاست سے کوئی تعلق نہیں۔

مریم اورنگزیب نے غیر ملکی میڈیا کو انٹرویو دیتے ہوئے کہا کہ نواز شریف نے 150 سے زائد پیشیاں بھگتیں ہیں۔

انہوں نے کہا کہ چیئرمین پی ٹی آئی عوام کو اندھیرے میں نہیں رکھ سکتے، چیئرمین پی ٹی آئی 9 مئی حملوں کے ماسٹر مائنڈ تھے۔

وفاقی وزیر نے کہا کہ چیئرمین پی ٹی آئی نے ریاستی تحائف بیچے، ریاستی تحائف سے متعلق ان سے پوچھا گیا تھا۔

انکا کہنا تھا کہ 9 مئی کو پی ٹی آئی کارکنوں نے حساس تنصیبات کو نشانہ بنایا، حملوں میں ملوث افراد کے خلاف قانون کے مطابق کارروائی ہورہی ہے۔

مریم اورنگزیب نے کہا کہ چیئرمین پی ٹی آئی کی گرفتاری کا سیاست سے تعلق نہیں، گرفتاری سیاسی انتقام کی کارروائی نہیں

انہوں نے کہا کہ مقدمہ عدالتوں میں رہا، قانون کے تمام مراحل مکمل کیے ہیں، مقدمہ تفتیش کے تمام مراحل سے گزرا، ٹرائل کورٹ نے فیصلہ دیا۔

وفاقی وزیر اطلاعات نے مزید کہا کہ عدالتیں موجود ہیں،الزامات کا جواب دینے کا سب کو حق ہوتا ہے۔ چیئرمین پی ٹی آئی اپنے دفاع میں شہادت پیش کرنے میں ناکام رہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں