اسلام آباد: وزیر اعظم محمد شہباز شریف نے کہا ہے کہ ای پورٹل دنیا بھر سے سیاحوں کی پاکستان میں دلچسپی بڑھانے میں معاون ثابت ہوگا۔

تفصیلات کے مطابق وزیر اعظم شہباز شریف نے پاکستان میں سیاحت کو فروغ دینے کے لیے اسلام آباد میں منعقدہ ایک تقریب میں “سلام پاکستان” برانڈ اور “ای پورٹل” کا افتتاح کیا۔

اس موقع پر خطاب کرتے ہوئے وزیر اعظم نے کہا کہ پاکستان سیاحت، ثقافت اور ورثے کے فروغ کے لیے ایک بہترین جگہ ہے۔

شہباز شریف نے کہا کہ پاکستان سیاحوں کیلئے بے مثال ملک ہے، دنیا کیلئے پاکستان میں سیاحت کے بڑے مواقع ہیں، ہمارا ملک قدرتی وسائل سے مالا مال ہے۔

انہوں نے کہا کہ وزیراعظم نے کہا کہ پاکستان کو تمام شمالی علاقہ جات میں قدرتی وسائل اور قدرتی خوبصورتی سے نوازا گیا ہے جسے ملک میں سیاحت کو فروغ دینے کے عظیم مواقع میں تبدیل کیا جا سکتا ہے۔

وزیر اعظم نے کہا کہ ہم اپنے برادر ممالک اور ان ممالک کی حوصلہ افزائی کریں گے جنہوں نے سیاحت، ثقافت، دستکاری اور دیگر شعبوں میں شاندار کارکردگی کا مظاہرہ کیا ہے، وہ پاکستان آکر سیاحت کے شعبے کے اس تنوع کو اجاگر کریں۔

شہباز شریف نے مزید کہا کہ “سلام پاکستان” برانڈ اور “ای پورٹل” سیاحت میں پاکستان کے تنوع کو بین الاقوامی سطح پر پیش کرنے اور اس شعبے میں دنیا بھر کے سیاحوں کی دلچسپی بڑھانے میں مدد کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں