زمانہ امن ہو یا جنگ پاک فوج ملک کی خدمت میں پیش پیش رہتی ہے، حمزہ شہباز

ویب ڈیسک

22nd Aug, 2023. 11:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زمانہ امن ہو یا جنگ پاک فوج ملک کی خدمت میں پیش پیش رہتی ہے، حمزہ شہباز

سابق وزیراعلیٰ پنجاب حمزہ شہباز نے کہا ہے کہ زمانہ امن ہو یا جنگ پاک فوج ملک کی خدمت میں پیش پیش رہتی ہے۔

تفصیلات کے مطابق سابق وزیراعلیٰ پنجاب حمزہ شہباز نے بٹگرام کیبل کار ریسکیو آپریشن مکمل ہونے پر بیان دیتے ہوئے کہا کہ اللہ تعالیٰ کا شکر ہے کہ ریسکیو آپریشن بخیر و خوبی مکمل ہوا، پاک فوج نے ایک انتہائی دشوار اور پیچیدہ آپریشن کر کے بچوں اور استاد کی جان بچائی۔

انہوں نے کہا کہ زمانہ امن ہو یا جنگ پاک فوج ملک کی خدمت میں پیش پیش رہتی ہے، قوم ان بہادر جوانوں پر فخر کرتی ہے جنہوں نے اپنی جان پر کھیل کر اس پہاڑی علاقے میں لوگوں کو ریسکیو کیا۔

سابق وزیراعلیٰ پنجاب حمزہ شہباز نے مزید کہا کہ اللہ تعالی پاکستان کو تمام آفات اور ناگہانی حادثات سے محفوظ رکھے۔

واضح رہے کہ خیبر پختونخوا کے شہر بٹگرام میں پاشتو کے مقام پر آج صبح چیئرلفٹ کی رسی ٹوٹ گئی تھی جس کے نتیجے میں گورنمنٹ ہائی اسکول بٹنگی پاشتو کے 6 طلباء سمیت 8 افراد 900 فٹ کی بلندی پر پھنس گئے تھے جنہیں کامیاب ریسکیو آپریشن کے بعد با حفاظت نکال لیا گیا ہے۔