کراچی میں جشن آزادی کے موقع پر مختلف علاقوں میں ہوائی فائرنگ سے 2 افراد جاں بحق اور 62 سے زائد  زخمی ہو گئے۔

تفصیلات کے مطابق یومِ آزادی کے موقع پر شہرِ قائد کے کئی علاقوں میں رات گئے جدید ہتھیاروں سے کی گئی ہوائی فائرنگ کے نتیجے میں 2 شخص جاں بحق اور درجنوں زخمی ہو گئے۔

پولیس ذرائع کے مطابق فائرنگ کے واقعات لیاری، گارڈن، لانڈھی، محمود آباد کورنگی، نیوکراچی، بلال کالونی، گارڈن سمیت مختلف علاقوں میں رونما ہوئے۔

پولیس ذرائع نے مزید بتایا کہ شہر میں ہوائی فائرنگ کے مختلف واقعات میں خاتون سمیت 2 فراد جاں بحق ہوئے جبکہ بچوں سمیت 62 سے زائد افراد زخمی ہوگئے۔

واضح رہے کہ ملک بھر میں آج 76 واں جشن آزادی ملی جوش و جذبے کے ساتھ منایا جارہا ہے۔

ملک بھر میں 14 اگست آزادی کے طور پر خوب جوش و خروش سے منایا جارہا ہے ، ملک کے ہر کونے میں ’پاکستان زندہ باد‘ نے نعرے لگائے جارہے ہیں اور آزادی کا جشن ہر ایک اپنے اپنے انداز میں منارہا رہے۔

یہ دن ہمیں قائداعظم محمد علی جناح ؒ کی ولولہ انگیزقیادت میں اپنے آباﺅ اجداد کی بے شمار قربانیوں کی یاد دلاتا ہے، یہ دن ہمیں کارکنانِ تحریک پاکستان کے نظریات پر قائم رہنے کے عزم کی تجدید اور ان کی جدوجہدکو خراج تحسین پیش کرنے کا موقع فراہم کرتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں