چیف آف آرمی اسٹاف جنرل سید عاصم منیر نے کہا ہے کہ پاک فوج موجودہ اور ابھرتے ہوئے خطرات سے بخوبی آگاہ ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف عاصم منیر نے جہلم میم ٹلہ فیلڈ فائرنگ رینجز کا دورہ کیا جہاں  کور کمانڈر منگلا نے ان کا استقبال کیا۔

آئی ایس پی آر نے بتایا کہ دورے کے دوران آرمی چیف نے ٹلہ فیلڈ فائرنگ رینجز میں جدید وی ٹی 4 ٹینکس اور مینوورز کی کارکردگی کا مظاہرہ دیکھا۔

آئی ایس پی آر کا کہنا ہے کہ اس موقع پر کور کمانڈر منگلا نے آرمی چیف کو اسٹرائیک کور کی آپریشنل تیاریوں پر بریفنگ دی۔

آئی ایس پی آر کے مطابق آرمی چیف نے ایس ایچ 15 آرٹلری گنز کی شوٹ اینڈ اسکوٹ صلاحیتوں کے ساتھ جدید حربی ساز و سامان کا جائزہ لیا اور عملے کی حربی مستعدی و قابلیت اور جدید اسلحے کے استعمال کی مہارت کو سراہا۔

آئی ایس پی آر نے مزید بتایا کہ آرمی چیف نے اسٹرائیک کور کے دستوں کی پیشہ وارانہ مہارت اور جنگی صلاحیتوں کو بھی سراہا۔

اس موقع پر آرمی چیف عاصم منیر نے کہا کہ پاک فوج موجودہ اور ابھرتے ہوئے خطرات سے بخوبی آگاہ ہے، پاک فوج دشمن کے تمام مذموم عزائم کو ناکام بنانے کی بھرپور صلاحیت رکھتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں