لاہور میں سروسز اسپتال کے مختلف وارڈز سے موبائل فونز چوری کیے جانے کا انکشاف ہوا ہے۔

تفصیلات کے مطابق نگران وزیر اعلیٰ پنجاب محسن نقوی کے اسپتالوں میں طوفانی دورے بھی کام نہ آ سکے، اسپتالوں میں بہتری کے دعوے دھرے کے دھرے رہ گئے۔

سروسز اسپتال میں اپنی مدد آپ کے تحت اے سی لگانے کے باوجود اسپتال انتظامیہ اے سی روٹر اور اے سی کی کاپر کی تاریں چوروں سے بچانے میں ناکام ہے۔

اسپتال کے مختلف وارڈز سے موبائلز چوری کیے جانے کا انکشاف ہوا ہے اور انتظامیہ خواب خرگوش کے مزے اڑانے لگے۔

مختلف وارڈز نے ایم ایس آفس میں تحریری درخواست دے دی ہے، تاہم بول نیوز نے ویڈیو اور درخواست حاصل کر لی ہے۔

ایم ایس سروسز اسپتال ڈاکٹر منیر اس واقعے سے لاعلم ہیں جبکہ مریضوں کا گرمی سے برا حال ہوگیا ہے، مریضوں کا کہنا ہے کہ حبس سے دل گھبراتا ہے۔

سپتال اسٹاف کا کہنا ہے کہ چھت پر جانے کے لئے تالے کی چابی سیکیورٹی گارڈز کے پاس ہوتی ہے کوئی اوپر کیسے جا سکتا ہے۔

اس حوالے سے ذرائع کا کہنا ہے کہ سیکیورٹی گارڈ کی ملی بھگت سے چوریاں ہوتی ہیں۔

سابق اے ایم ایس سیکیورٹی ڈاکٹر سمیر پر چوری کے الزامات ثابت ہونے کے باوجود سروسز اسپتال میں ڈرما وارڈ میں ڈیوٹی کر رہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں