گورنر سندھ کامران خان ٹیسوری نے سندھ پروٹیکشن اینڈ پروہیبیشن آف بریسٹ فیڈنگ اینڈ ینگ چلڈرن نیوٹریشن بل 2023 پر اعتراض عائد کردیا ہے۔

تفصیلات کے مطابق گورنر سندھ کامران ٹیسوری نے سندھ پروٹیکشن اینڈ پروہیبیشن آف بریسٹ فیڈنگ اینڈ ینگ چلڈرن نیوٹریشن بل سندھ حکومت کو نظر ثانی کے لیے ارسال کر دیا ہے۔

اس حوالے سے گورنر سندھ نے کہا ہے کہ یہ معاملہ وفاقی حکومت کی لیجسلیٹیو لسٹ میں شامل ہے، آئین کے آرٹیکل 142 کے تحت اس معاملے پر قانون سازی وفاقی حکومت کا اختیار ہے۔

انکا کہنا ہے کہ بل کی بعض شقین عالمی ادارہ صحت کی ضابطہ اخلاق سے متصادم ہیں، انفنٹ اینڈ ینگ چلڈرن بورڈ میں ڈیری ملک کی صنعت سے وابستہ افراد کو شامل کیا جائے۔

کامران ٹیسوری نے کہا کہ اس بل سے ڈیری دودھ انڈسٹری پر اثرات مرتب ہونگے اور غیر ملکی سرمایہ کاری پر منفی اثرات پڑھ سکتے ہیں، جس سے مقامی سطح ڈیری ملک کے کاروبار سے منسلک الائیڈ انڈسٹری اور مویشی مالکان کو بھی نقصان ہوسکتا ہے۔

گورنر سندھ نے مزید کہا کہ یہ بل وفاقی قوانین سے بھی متصادم ہے، اس معاملے پر مشترکہ مفادات کونسل اور وزارت بین الصوبائی رابطے میں مشاورت کے بعد متفقہ طور پر قانون سازی کی جائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں