مسلم لیگ ن کے رہنما میاں جاوید لطیف نے کہا ہے کہ کچھ قوتیں چیئرمین پی ٹی آئی کو بچانے کے لئے سرگرم ہیں۔

لیگی رہنما جاوید لطیف نے اسلام آباد میں پریس کانفرنس کرتے ہوئے کہا کہ ن لیگ نے جمہوری استحکام کے لئے ووٹ کو عزت دو کا نعرہ لگایا۔ 2017 کا پاکستان نوازشریف کے بغیر واپس نہیں آسکتا۔

انہوں نے کہا کہ ایک شخص کو لانے کے ثمرات 9 مئی کو سامنے آئے، چیئرمین پی ٹی آئی غیرملکی سازش کرنے والوں کے آلہ کار بنے۔

جاوید لطیف نے کہا کہ نواز شریف کے انتقام میں اتنے اندھے ہوگئے کہ پاکستان کی خیر خواہی کو نظرانداز کردیا۔

انکا کہنا ہے کہ بہت سی ایسی چیزیں ہیں کو قومی مفاد میں نہیں کہی جاسکتی، کچھ قوتیں چیئرمین پی ٹی آئی کو بچانے کے لئے سرگرم ہیں۔

لیگی رہنما نے کہا کہ جس کی کارکردگی بہترہوگی انتخابات میں اسی کو ووٹ ملیں گے، کچھ لوگ چاہیے ہیں چیئرمین پی ٹی آئی مائنس ہیں تو نوازشریف بھی مائنس ہوں۔

جاوید لطیف نے مزید کہا کہ 1990 کے بعد ہرانتخاب میں نوازشریف کو مائنس رکھنے کی کوشش کی، نواز شریف کو اب مائنس کرنےکی کوشش کی گئی تو ملک کو ناقابل تلافی نقصان ہوگا، نوازشریف کے بغیر انتخابات قبول نہیں کرینگے، نواز شریف ستمبر کے وسط میں پاکستان آرہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں