بے روزگاری کے باعث چوری ڈکیتی جیسے جرائم میں اضافہ ہوگا، فرخ حبیب

ویب ڈیسک

02nd Aug, 2023. 06:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بے روزگاری کے باعث چوری ڈکیتی جیسے جرائم میں اضافہ ہوگا، فرخ حبیب

پی ٹٰی آئی رہنما فرخ حبیب نے کہا ہے کہ بے روزگاری کے باعث معاشرتی چوری ڈکیتی جیسے جرائم میں اضافہ ہوگا۔

تفصیلات کے مطابق پی ٹٰی آئی رہنما فرخ حبیب نے اپنے ایک بیان میں کہا کہ سال 2022 کے پہلے 7 ماہ کی نسبت سال 2023 میں ٹیکسٹائل برآمدات میں 21 فیصد کمی ریکارڈ کی گئی ہے، صرف جولائی 2023 کے مہینہ میں سال 2022 جولائی کے مقابلے میں 15 فیصد کمی ہوئی ہے۔

انہوں نے کہا کہ برآمدات میں کمی کے نقصان سے زر مبادلہ ڈھائی ارب ڈالرز سے زائد کمی ہوئی ہے اور زر مبادلہ کی کمی کو پورا کرنے کے لئے نئے قرضے لینے پڑیں گے اور اس پر سود ادا کرنا پڑے گا۔

ان کا کہنا تھا کہ ٹیکسٹائل برآمدات میں کمی کے باعث مزدور بے روزگار ہوگا، بے روزگاری کے باعث معاشرتی برائیوں اور چوری ڈکیتی جیسے جرائم میں اضافہ ہوگا، کم ٹیکس جمع ہوگا، اسکے علاوہ سینکڑوں چھوٹے اور درمیانے درجہ کے کاروبار جو ٹیکسٹائل انڈسٹری کے وینڈرز کے کاروبار بند ہوجائیں گے۔