اسلام آباد: نگران وزیراعظم انوار الحق کاکڑ نے اسپیشل انویسٹمنٹ فسیلیٹیشن کونسل (ایس آئی ایف سی) کو ملک کی تقدیر بدلنے کے لیے اہم سنگ میل قرار دے دیا ہے۔

تفصیلات کے مطابق نگران وزیراعظم انوار الحق کاکڑ کی زیر صدارت اسپیشل انویسٹمنٹ فسیلیٹیشن کونسل (ایس آئی ایف سی) کی ایپکس کمیٹی کا اہم اجلاس منعقد ہوا جس میں سیکرٹری ایس آئی ایف سی نے نگران وزیراعظم اور وزراء کو کونسل کے امور پر بریفنگ دی۔

ذرائع نے بتایا کہ دوران اجلاس اسپیشل انویسٹمنٹ فسیلیٹیشن کونسل کو خلیجی ممالک اور چین کی سرمایہ کاری کیلئے مختلف منصوبوں پر بھی بریفنگ دی گئی۔

اس موقع پر نگران حکومت نے اسپیشل انویسٹمنٹ فسیلیٹیشن کونسل کو ہر ممکن تعاون کی یقین دہانی کرائی اور ایس آئی ایف سی کو ملک کی تقدیر بدلنے کے لیے اہم سنگ میل قرار دے دیا۔

نگران وزیراعظم نے دوران اجلاس گفتگو کرتے ہوئے کہا کہ کونسل ملک کو ترقی کی راہ پر گامزن کرے گی، کونسل کے تحت مختلف شعبوں میں غیر ملکی سرمایہ کاری کے لیے بہترین مواقع پیدا ہوں گے۔

واضح رہے کہ ایس آئی ایف سی اجلاس میں آرمی چیف جنرل سید عاصم منیر سمیت نگران وزراء اعلیٰ، وفاقی وزراء اور عسکری حکام شریک تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں