میئر کراچی بیرسٹر مرتضٰی وہاب نے کہا ہے کہ تنقید کے ساتھ کام پر بھی حوصلہ افزائی ہونی چاہیے۔

تفصیلات کے مطابق میئر کراچی بیرسٹر مرتضٰی وہاب نے پریس کانفرنس کرتے ہوئے کہا کہ میڈیا پر گٹر کے ڈھکن غائب ہونے کی خبر کیوں نہیں چلتی؟ اس معاملے سے نمٹنے کے لیے ہم نے بڑی تعداد میں مضبوط گٹر کے ڈھکن تیار کرنے کا فیصلہ کیا ہے۔

میئر کراچی نے کہا کہ بلدیہ عظمی کراچی نہیں چاہے گی کہ گٹر کے ڈھکن خود غائب کرے، یہ بدقسمت روایت بن گئی ہے کہ کہیں شرارت اور کہیں چوری ہو رہی ہے، آج آپکو ڈھکن چاہیے تو ٹینڈر کے بعد وقت لگتا ہے، انیس جون کو جب حلف لیا تو انتظامیہ سے بات کی، ماضی میں اپنے اپلانٹس تھے جو بہت بہتر اور سستا کام کرتے تھے، واٹر کارپوریشن نے فیصلہ کیا کہ ڈھکن اور سلیب خود بنائیں گے، 18 اگست کو وعدے کی تکمیل ہوئی اور اپنا پلانٹ واٹر بورڈ نے شروع کیا۔

ان کا کہنا تھا کہ یومیہ 400 ڈھکن بنا کر بلدیاتی نمائندوں کو فراہم کئے جائیں گے، مارکیٹ سے ڈھکنے 12 کلو کے ہوتے ہیں اور لوہا کم ہوتا ہے، یہ ڈھکن 37 کلو کے ہیں، تمام جماعتوں کے نمائندے موجود ہیں آپ خود دیکھیں گے، ہم ۳۵۰۰ ڈھکنے اب تک تیار کر چکے ہیں، ملکر لوگوں کی خدمت کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں