نواب شاہ کے مقام پر گزشتہ روز ہزارہ ایکسپریس ٹرین کے افسوسناک حادثے کے بعد ریلوے ٹریک کی مرمت کر کے ٹرینوں کی آمد و رفت بحال کرادی گئی ہے۔

تفصیلات کے مطابق گزشتہ روز حادثے کے بعد ریلوے حکام نے 18 گھنٹے بعد ڈاؤن بحال ٹریک بحال کردیا ہے، مسافر ٹرینیں روانہ ہونا شروع ہوگئی ہیں۔

اسٹیشن ماسٹر شاہد عمرانی نے تصدیق کی ہے کہ گرین لائن، ہزارہ ایکسپریس اور شاليمار ایکسپریس کو روانہ کردیا گیا ہے اور 2 گھنٹے تک اپ ٹریک بھی بحال کردیا جائے گا۔

ریلوے حکام کا مزید کہنا ہے کہ ریلوے ٹریک سے بوگیاں ہٹا دی گئی ہیں جبکہ مرمتی کام جاری ہے۔

ہزارہ ایکسپریس کی تحقیقات شروع

دوسری جانب نواب شاہ میں حادثے کا شکار ہونے والی ہزارہ ایکسپریس کی تحقیقات شروع کردی گئی ہے۔

وفاقی ریلوے خواجہ سعد رفیق کی ہدایت پر فیڈرل جنرل انسپکٹر ریلوے علی محمد آفریدی سرہاری پہنچ گئے اور واقعے کی تحقیقات شروع کردی۔

ایف جی آئی آر علی محمد آفریدی نے کہا کہ حادثے کی تحقیقات سے متعلق رپورٹ مرتب کرنے میں پندرہ دن لگ سکتے ہیں، یہ حادثہ ہے یا تخریب کاری دیکھ رہے ہیں۔

انہوں نے مزید کہا کہ تمام عوامل کا جائزہ لے رہے ہیں اس کے بعد رپورٹ ترتیب دیں گے، مکمل انکوائری کی جائے گی کہ اتنا بڑا حادثہ کیسے ہوا۔

واضح رہے کہ گزشتہ روز کراچی سے حویلیاں جانے والی ہزارہ ایکسپریس کی کئی بوگیاں نواب شاہ کے قریب پٹری سے اتر گئی تھیں جس کے نتیجے میں کم از کم 33 افراد جاں بحق اور 80 سے زائد زخمی ہوگئے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں