نگران وزیر خارجہ جلیل عباس جیلانی کی نیویارک میں بزنس کونسل فار انٹرنیشنل انڈرسٹینڈنگ میں امریکی کاروباری رہنماؤں سے ملاقات ہوئی ہے۔

تفصیلات کے مطابق ملاقات میں نگران وزیر خارجہ نے اقتصادی مواقع اور شراکت داری پر تبادلہ خیال کیا۔

نگران وزیر خارجہ نے عالمی کاروباری اور صنعتی برادری کے ساتھ شراکت داری کو فروغ دینے کے لیے حکومت کے پختہ عزم کا اعادہ کیا اور حالیہ برسوں میں شدید چیلنجز کے باوجود پاکستانی مارکیٹ کی لچک کو اجاگر کیا۔

جلیل عباس جیلانی نے وزیر خارجہ نے حکومت پاکستان کی طرف سے زراعت، آئی ٹی، معدنیات اور کان کنی، سمیت مختلف شعبوں میں سرمایہ کاری کو فروغ دینے کے لیے خصوصی سرمایہ کاری سہولت کونسل کی اہمیت پر زور دیا۔

نگران وزیر خارجہ نے سرمایہ کاروں کو ایک محفوظ سرمایہ کاری کا ماحول فراہم کرنے، قانونی تحفظ فراہم کرنے کے لیے پاکستان کے ثابت قدم عزم کا یقین دلایا۔

جلیل عباس جیلانی نے کہا کہ حکومت کی جانب سے نافذ کیے گئے استحکام کے اقدامات قوم کو معاشی بحالی اور ترقی کی طرف لے جا رہے ہیں، امریکی کاروباری ادارے پاکستان میں سرمایہ کاری کے مواقع تلاش کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔