ہیکرز کی جانب سے سرکاری ملازمین کی ای میلز ہیک کرنے کا خدشہ ہے جس پر وفاقی حکومت نے تمام سرکاری ملازمین کو ای میل کمیونیکیشن محفوظ بنانے کی ہدایت کی ہے۔

تفصیلات کے مطابق وفاقی حکومت نے تمام متعلقہ وزارتوں اور محکموں کو مراسلہ ارسال کردیا ہے۔

جاری کردہ مراسلے کے مطابق مخصوص سول اور ملٹری حکام کو ای میلز،  فشنگ ٹیکنیکس کے زریعہ نشانہ بنانے کی منصوبہ بندی ہے، مذکورہ ای میلز عہدے اور نام کے ساتھ اصلی کی طرح تشکیل دیکر بھجوائی جاتی ہے، نتیجہ کے طور پر ای میل موصول کرنے والا ٹریپ ہوجاتا ہے۔

مراسلہ میں آفیشل ای میلز کو محفوظ بنانے کی تجاویز بھی دی گئی ہیں، کمزور پاس ورڈز استعمال نہ کریں، پاس ورڈ تبدیل کرتے رہیں، غیر متعلقہ افراد کو ای میل آئی ڈی دینے سے گریز کیا جائے۔

مراسلے میں کہا گیا کہ آفیشل ای میلز کے لئے ذاتی اکاونٹ استعمال نہ کیا جائے، موبائل فونز پر آفیشل ای میلز کا استعمال نہ کیا جائے، ایسی ای میلز جن کے ساتھ کوئی لنک کا مواد منسلک ہوں نہ کھولیں، مشکوک ای میلز کا جواب یا کسی لنک پر کلک نہ کیا جائے، کمزور پاس ورڈز استعمال نہ کریں، پاس ورڈ تبدیل کرتے رہیں، لائسنس یافتہ اینٹی وائرس کا استعمال کیا جائے۔ا

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔