آئی جی سندھ رفعت مختار راجہ نے کہا ہے کہ ڈاکوؤں کے خلاف انٹیلی جینس بیسڈ آپریشن جاری رکھیں۔

تفصیلات کے مطابق امن وامان کی صورتحال پر آئی جی سندھ رفعت مختار راجہ کی زیر صدارت اعلیٰ سطحیٰ کا اجلاس ہوا۔

اجلاس کی صدارت کرتے ہوئے آئی جی سندھ رفعت مختار راجہ نے کہا کہ سنجیدہ اقدامات کریں، کام کرکے دکھائیں، کرائم پر کنٹرول کریں، منشیات کے خلاف بڑا ایکشن لیں، فہرستیں آپ سب کو اسپیشل برانچ نے دے رکھی ہیں، منشیات،گٹکا،ماوا مافیاز کی فہرستیں ترتیب دیکر اسپیشل برانچ نے اچھا کام کیا ہے، منشیات،گٹکا،ماوا کے خلاف ایکشن جاری رکھیں۔

 رفعت مختار راجہ نے کہا کہ اسٹریٹ کریمنلز کو ہر گز نہ چھوڑیں، ڈاکوؤں کے خلاف انٹیلی جینس بیسڈ آپریشن جاری رکھیں، فری ایف آئی آرز درج کریں، ایف آئی آرز کتنی درج کیں میں نہیں پوچھوں گا لیکن ایف آئی آر درج نہ کرنے پر سخت محکمانہ ایکشن لوں گا۔

آئی جی سندھ رفعت مختار راجہ نے مزید کہا کہ سائل کی داد رسی نہ کرنا عذاب بنکر کسی نہ کسی پر گرتا ہے، ہر ماہ اجلاس میں کرائم اور باالخصوص سنگین جرائم کا جائزہ لوں گا۔

 اجلاس میں ایڈیشنل آئی جی کراچی خادم حسین رند سمیت ڈی آئی جیز اور ضلعی ایس ایس پیز نے بھی شرکت کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔