حکومت بلوچستان نے صوبے بھرمیں لینڈ مافیاز کے خلاف کارروائی کا فیصلہ کیا ہے۔

تفصیلات کے مطابق نگراں وزیراطلاعات بلوچستان جان اچکزئی نے  کہا ہے کہ حکومت بلوچستان نے صوبہ بھرمیں لینڈ مافیاز کے خلاف کارروائی کا فیصلہ کیا ہے اور جن گھروں میں کمرشل سرگرمیاں  ہورہی ہیں ان کے خلاف بھی کارروائی ہوگی۔

نگراں صوبائی وزیراطلاعات جان اچکزئی نے نگراں وزیر خزانہ  امجد رشید کے ہمراہ  کوئٹہ میں نیوز کانفرنس کرتے ہوئے کہا کہ  بلوچستان میں زمینوں پر قبضے کے حوالے سے بہت شکایات آرہی ہیں،شہریوں کی آباؤ اجداد کی زمینوں  پر قبضہ مافیا کی سرپرستی میں سیاسی شخصیات بھی ملوث ہیں۔

جان اچکزئی نے کہا کہ نگراں وزیراعظم نے دورہ کوئٹہ میں زمینوں پر قبضے کے مسائل کے حل کی ہدایت کی تھی، نگراں وزیراعلٰی کی بھی قبضہ مافیا کےخلاف کارروائی کی ہدایات ہیں، چاہے سرکاری اراضی پرقبضےکامعاملہ ہویانجی زمین پر،قانون کے مطابق کارروائی ہوگی۔

انہوں نے کہا کہ صوبے میں محکمہ جنگلات کی اراضی پر بھی قبضہ ختم کروائیں گے، اس سلسلے میں صوبے میں  لینڈ مافیا کے خلاف ڈیٹا یکجا کررہے ہیں،عوام کی سہولت کے لئے کمشنر آفس میں شکایت سیل قائم کیا ہے، لینڈ مافیا اور اس میں ملوث اہلکاروں کےخلاف بلاتفریق قانون کےمطابق کارروائی ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔