چپ تعزیے کے تمام جلوسوں کی سیکیورٹی فول پروف بنائی جائے، آئی جی سندھ

ویب ڈیسک

24th Sep, 2023. 12:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چپ تعزیے کے تمام جلوسوں کی سیکیورٹی فول پروف بنائی جائے، آئی جی سندھ

کراچی: آئی جی سندھ رفعت مختار راجہ نے ہدایت دی ہے کہ چپ تعزیے کے تمام جلوسوں کے سیکیورٹی اقدامات فول پروف بنائے جائیں۔

آئی جی سندھ نے ہدایت دیتے ہوئے کہا کہ مرکزی اجتماع کے مقامات اور روٹس پر سیکیورٹی حکمت عملی کو مربوط اور مؤثر بنایا جائے اور پولیس کی مجموعی ڈپلائمنٹ کو سیکیورٹی بریفنگ لازمی دی جائے۔

انہوں نے کہا کہ نشترپارک تا حسینیہ ایرانیاں ہال جبکہ رضویہ سوسائٹی تا امام بارگاہ شاہ نجف جلوسوں کے لئے سیکیورٹی ڈپلائمنٹ کو ہمہ وقت چوکنا اور الرٹ رکھا جائے۔

رفعت مختار راجہ نے کہا کہ لاڑکانہ، حیدرآباد، سکھر، میرپورخاص اور باالخصوص کراچی میں سیکیورٹی اقدامات کے تسلسل کو 12 ربیع الاول تک جاری رکھا جائے۔

انکا کہنا تھا کہ مرکزی اجتماعات، جلوسوں، محافل میلاد، نعت، وعظ، تقاریر ودیگر کی سیکیورٹی پر فوکس رکھا جائے۔

آئی جی سندھ نے مزید کہا کہ تمام اسٹیک ہولڈرز سے باہمی مشاورت اور تجاویز کو اہمیت دی جائے اور سیکیورٹی پلان پر اسکی روح اور ترجیحات کے مطابق عمل درآمد کرایا جائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔