لاہور: پولیو کی خصوصی مہم کا کل سے آغاز ہورہا ہے جس کے پیش نظر ضلعی انتظامیہ نے تمام تیاریاں مکمل کرلی ہیں۔

تفصیلات کے مطابق ڈی سی لاہور رافعہ حیدر کی زیر صدارت چھٹی کے روز انسداد پولیو مہم کی تیاریوں سے متعلق اہم اجلاس ہوا جس میں خصوصی پولیو ویکسینیشن سے متعلق تفصیلی بریفنگ دی گئی۔

دوران اجلاس رافعہ حیدر نے کہا کہ خصوصی پولیو مہم 04 ستمبر سے 11 ستمبر تک مخصوص علاقوں میں ہو گی۔ پولیو کے ماحولیاتی نمونے سامنے آنے پر پولیو بچاؤ کی خصوصی مہم چلائی جا رہی ہے۔

انہوں نے کہا کہ سات روزہ مہم میں تقریباً 2 لاکھ سے زائد بچوں کو پولیو سی بچاؤ کے قطرے پلانے کا ہدف ہے جبکہ پولیو مہم میں 6360 ٹیمیں حصہ لیں گی۔ پٹھان بستیوں میں پولیو ٹیموں کے ساتھ پشتو  ٹرانسلیٹر کو بھی تعینات کیا جائے گا۔

ڈی سی لاہور نے ہدایت دی کہ پولیو ورکرز انکاری اور بند ملنے والے گھروں پر خصوصی توجہ دیں اور اسسٹنٹ کمشنر انکاری والدین کو بچوں کے مستقبل کی خاطر پولیو قطرے پلانے پر قائل کریں، تاہم پولیو مہم کی کارکردگی کی جانچ پڑتال کے لئے روزانہ کی بنیاد پر جائزہ اجلاس ہو گا۔

رافعہ حیدر نے مزید کہا کہ لاہور کے شہریوں سے اپیل کی ہے کہ والدین اپنے بچوں کو پولیو سی بچاؤ کے دو قطرے ضرور پلائیں۔ پولیو کے دو قطرے آپ کے بچوں کو زندگی بھر کی محرومی سے بچا سکتے ہیں۔

واضح رہے کہ اجلاس میں ایڈیشنل ڈپٹی کمشنرز، اسسٹنٹ کمشنرز ،سی ای او ہیلتھ، ایجوکیشن، ڈی ڈی ایچ اوز، یو سی ایم اوز اور ایریا انچارجز نے شرکت کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں