نگران وزیر خارجہ جلیل عباس جیلانی نیویارک پہنچ گئے ہیں۔

تفصیلات کے مطابق نگران وزیر خارجہ جلیل عباس جیلانی یک رکنی وفد کے ہمراہ لندن سے نیو یارک پہنچے ہیں۔

نگران وزیر خارجہ جلیل عباس جیلانی او آئی سی کشمیر کانٹیکٹ گروپ اجلاس میں شریک ہوں گے۔

جلیل عباس جیلانی اقوام متحدہ جنرل اسمبلی اجلاس کی سائیڈ لائنز پر متعدد دیگر شریک وزرائے خارجہ، خارجہ وفود سے ملاقاتیں کریں گے۔

نگران وزیر خارجہ اقوام متحدہ جنرل اسمبلی اجلاس کی سائیڈ لائنز پر چند کمیٹی کے اجلاسوں میں شریک ہوں گے،اقوام متحدہ جنرل اسمبلی اجلاس کے دوران حق خودارادیت کمیٹی اور کلچر اینڈ پیس کمیٹی میں پاکستان کی قراردادیں متوقع ہیں۔

جلیل عباس جیلانی یو این جی اے اجلاس کی سائیڈ لاینز پر ایس سی او وزراتی اجلاس میں شرکت کریں گے۔

علاوہ ازیں نگران وزیر خارجہ جلیل عباس جیلانی نگران وزیر اعظم انوار الحق کاکڑ کے ساتھ وطن واپس نہیں آئیں گے، نگران وزیر خارجہ دو اضافی روز امریکہ میں مزید قیام کریں گے، اضافی قیام کے دوران نگران وزیر خارجہ کی مزید ملاقاتیں اور سرگرمیاں شیڈیول ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں