چیئرمین پیپلز پارٹی بلاول بھٹو زرداری نے کہا ہے کہ نواجوان کو باہر ممالک میں روزگار کیلئے مواقع دیں گے۔

تفصیلات کے مطابق  چیئرمین پیپلز پارٹی بلاول بھٹو زرداری نے فیصل آباد میں شرکاء سے خطاب کرتے ہوئے کہا کہ آج ہم شہادت بلوچ کی تعزیت کے سلسلہ میں یہاں آئے ہیں، شہادت بلوچ پیپلز پارٹی کا اثاثہ تھا، انہوں نے پیپلز پارٹی کیلئے جدوجہد کی، ہم ایک خاندان ہیں، شہادت بلوچ کے مشن کو انکے بچے آگے لیکر جائیں گے،ہم ملکر ان کے نامکمل مشن کو مکمل کریں گے، شہادت بلوچ، قائد عوام اور شہید بینظیر بھٹو کے نامکمل مشن کو مکمل کریں گے۔

انہوں نے کہا کہ پاکستانیوں کو لا وارث تو نہیں چھوڑ سکتے اسی لئے تنخواہوں میں اضافہ کیا ہے، 18 ماہ میں دنیا گھوم کر دیکھا کہ وسائل ہیں مگر محدود ہیں، ان وسائل کو آپ استعمال کیسے کرتے ہیں، اشرافتہ کو مراعات دینے، ٹیکسز ایمنسٹی دینے کی بجائے وہی پیسہ چھوٹے کسان کو دیں تو بہتری آئے گی، لوگ غربت مہنگائی بے روزگاری سے پریشان ہیں، بچوں کو سکول کیسے بھیجو اور بزرگوں کو علاج کیسے کرواؤں، پہلی مرتبہ مہنگائی بے روزگاری کا سامنا نہیں ہے، 2008 میں بھی مہنگائی تاریخی سطح پر پہنچی تھی، اسی لئے بینظیر انکم سپورٹ پروگرام کا آغاز کیا، تنخواہوں اور پینشنز میں بھی اضافہ کیا۔

ان کا کہنا تھا کہ 18 ماہ کی مصروفیت کے بعد آپ کے سامنے ہوں، الیکشن کمیشن سے الیکشن کی ڈیٹ کا مطالبہ کرتے ہیں،الیکشن کی ڈیٹ ملے تو پھر ان کو بتائیں گے،جو سمجھتے تھے پی پی پی نے پنجاب کو چھوڑ دیا غلطی فہمی کا شکار تھے، اس غلط فہمی کو دور کرنا ہے، سازش کے تحت سب سے بڑے صوبہ میں قائد کو شہید کیا، ہمارے ساتھیوں کو بندوق کے زور پر مختلف پارٹیوں میں بھیجا گیا،ہم گاؤں گاؤں جائیں گے شہید محترمہ بینظیر بھٹو کے منشور کو ساتھ لیکر جائیں گے۔

بلاول بھٹو نے کہا کہ غربت بے روزگار، سکیورٹی، دہشت گردی یا جمہوری بحران کا مسئلہ ہو ایک ہی جماعت ملک کو ان مسائل سے نکال سکتی ہے، باقی تمام جماعتیں مخصوص طبقہ کی نمائندگی کرتی ہیں، پیپلز پارٹی غریب عوام کی نمائندگی کرتی ہے۔

انہوں نے کہا کہ مسائل کا حل اسی میں ہوگا کہ عام آدمی کو سپورٹ کریں،سب سے نوجوان وزیر خارجہ رہا ہوں،پاکستان میں 30 سال سے کم نوجوانوں کی بڑی تعداد ہے،دیگر ممالک میں بزرگوں کی تعداد زیادہ تعداد ہے۔

چیئرمین پیپلز پارٹی بلاول بھٹو زرداری نے مزید کہا کہ ذوالفقار علی بھٹو نے دنیا میں پاکستانیوں کو روزگار دلوایا تھا،نواجوان کو سکلز دیں گے اور باہر ممالک میں روزگار کیلئے مواقع دیں گے،اگر میں ہر ملک سے جھگڑا چھیڑوں گا تو عام پاکستانیوں کو مسئلہ ہوتا ہے، مجھے یا اشرافیہ کو تو کوئی مسئلہ نہیں ہمیں تو ویزہ آسانی سے مل جاتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔