نگران وزیر اعلیٰ بلوچستان میر علی مردان خان ڈومکی نے کہا ہے کہ ہمیں سنگین صورتحال پر باہمی اشتراک سے قابو پانا ہے۔

تفصیلات کے مطابق نگران وزیر اعلیٰ بلوچستان میر علی مردان خان ڈومکی سے ڈبلیو ایچ او کے کنٹری ہیڈ ڈاکٹر پالیتھا ماہیپلہ کی ملاقات ہوئی۔

  نگران وزیر اعلیٰ بلوچستان میر علی مردان خان ڈومکی نے کہا کہ ڈبلیو ایچ او نے ہمیشہ صحت کے شعبے میں صوبائی حکومت سے تعاون کیا ہے جس کو سراہتے ہیں، بلوچستان کے وسیع رقبے پر پھیلی آبادی تک صحت کی سہولیات فراہم کرنا کسی چیلنج سے کم نہیں ہے۔

انہوں نے کہا کہ اعداد و شمار سے ثابت ہوتا ہے کہ بلوچستان میں زچگی کے دوران ماؤں کی شرح اموات دیگر تمام صوبوں سے زیادہ ہے، کوئٹہ ، ہمیں ایسی سنگین صورتحال پر باہمی اشتراک سے قابو پانا ہے۔

ان کا کہنا تھا کہ دیہی و شہری علاقوں کی سرکاری اسپتالوں میں دوران زچگی شرح اموات کی رپورٹنگ کے لیے محکمہ قانون کی رائے کے بعد کابینہ سے منظوری لی جائے گی، روٹین ایمیونائزیشن کے اہداف کے حصول کے لئے ہر ممکن کوشش کی جائے گی۔

نگران وزیر اعلیٰ بلوچستان میر علی مردان خان ڈومکی نے عالمی ادارہ صحت کو یقین دہانی کروائی کہ ڈبلیو ایچ او کو جہاں تعاون و مدد کی ضرورت ہوئی صوبائی حکومت ہر ممکن تعاون کرے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔