جمعیت علمائے اسلام کے مرکزی جنرل سیکریٹری مولانا عبدالغفور حیدری نے کہا ہے کہ عالمی طاقتیں پاکستان میں انتشار پیدا کرنا چاہتی ہیں۔

تفصیلات کے مطابق بلوچستان کے دارالحکومت کوئٹہ میں پریس کانفرنس کرتے ہوئے جنرل سیکرٹری جے یو آئی مولانا عبدالغفور حیدری نے کہا کہ جمعیت علماء اسلام نے مستونگ دھماکے کیخلاف کوئٹہ میں شٹرڈاؤن ہڑتال کی کال دے دی ہے۔

 انہوں نے کہا کہ مستونگ واقعہ میں حافظ حمد اللہ کے قافلے پر ریموٹ کنٹرول بم حملہ ہوا، اللہ کا شکر ہے کہ حافظ حمد اللہ اور ساتھی محفوظ رہیں، مستونگ واقعے کی شدید مذمت کرتے ہیں، یہ واقعہ جمیعت کے قائدین پر حملے کا تسلسل ہے، مولانا فضل الرحمان پر تین خودکش حملے ہوئے ہیں، ماضی میں جمعیت کے درجنوں علماء کو شہید کیا گیا ہے، باجوڑ میں بھی 80 سے زائد علماء و کارکنان شہید ہوئے، مارنے والے سے بچانے والا زیادہ طاقت ور ہے۔

 ان کا کہنا تھا کہ کوئٹہ:ان قوتوں کو پیغام دینا چاہتا ہون کہ جمیعت علمائے اسلام ان شہیدوں کی جماعت ہے جنہوں نے انگریزوں کو خطے سے بھگایا، جمعیت علمائے اسلام نے ہمیشہ بڑی جرت کے ساتھ دشمن کا مقابلہ کیا ہے، آج شو پیس کے تحت تنظیمیں ذمہ داریاں قبول کرتے ہیں مگر ان کے پچھلے کچھ قوتیں ہیں جو ان کو فنڈنگ کررہے ہیں، ہم نہ اپنے نظریہ اور نہ ہی اپنے حوصلے سے پیچھے ہٹانے کو تیار ہیں، ان حملوں کے پیچھے وہ قوتیں ہیں جو عمران خان کو حکومت کو لانے میں ملوث تھے، چیئرمین پی ٹی آئی کو امریکہ، اسرائیل اور بھارت سمیت دیگر عالمی قوتیں اقتدار میں لانے میں کامیاب ہوئے۔

 جمعیت علمائے اسلام کے مرکزی جنرل سیکریٹری مولانا غفور حیدری نے کہا کہ پاکستان نے سی پیک سے جو فائدہ اٹھانا تھا وہ نہیں اٹھا سکا، عالمی طاقتیں پاکستان میں انتشار پیدا کرنے چاہتے ہیں، ہم ریاست کے ساتھ ہیں ہم پر حملے ریاست پر حملہ ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں