صدرمملکت کا معیشت اور تجارت کے شعبوں میں بنگلہ دیش کیساتھ تعاون بڑھانے پر زور

صدر مملکت کا معیشت اور تجارت کے شعبوں میں بنگلہ دیش کیساتھ تعاون بڑھانے پر زور

ملک سعید اعوان

27th Sep, 2023. 03:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت کا معیشت اور تجارت کے شعبوں میں بنگلہ دیش کیساتھ تعاون بڑھانے پر زور

اسلام آباد: صدر مملکت ڈاکٹر عارف علوی نے معیشت، ثقافت اور تجارت کے شعبوں میں بنگلہ دیش کے ساتھ تعاون بڑھانے کی ضرورت پر زور دیا ہے۔

تفصیلات کے مطابق صدر مملکت عارف علوی سے بنگلہ دیش میں پاکستان کے نامزد ہائی کمشنر سید احمد معروف کی ملاقات ہوئی جس میں متعدد شعبوں میں بنگلہ دیش کے ساتھ تعاون بڑھانے پر زور دیا۔

صدر عارف علوی نے ملاقات میں گفتگو کرتے ہوئے کہا کہ بنگلہ دیش میں نامزد ہائی کمشنر دونوں برادر ممالک کو مزید قریب لانے کے لیے کام کریں، دونوں ممالک کے مابین تجارت بڑھانے کے وسیع امکانات موجود ہیں۔

انہوں نے مزید کہا کہ دونوں ممالک مشترکہ مذہب اور تاریخ کے حامل ہیں، دونوں ممالک کے درمیان عوامی اور ثقافتی روابط بڑھانے کی ضرورت ہے۔

دوران ملاقات صدر مملکت نے سید احمد معروف کو بنگلہ دیش میں بطور پاکستانی ہائی کمشنر تعیناتی پر مبارکباد دی اور نامزد ہائی کمشنر کے لیے اپنے فرائض کی انجام دہی میں نیک تمناؤں کا بھی اظہار کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔