پاکستان پیپلز پارٹی کے چیئرمین بلاول بھٹو زرداری نے کہا ہے کہ پورے سندھ کا مطالبہ ہے کہ جان محمد مہر کے خون کے ساتھ انصاف کیا جائے۔

تفصیلات کے مطابق پاکستان پیپلز پارٹی کے چیئرمین بلاول بھٹو زرداری اور بی بی آصفہ بھٹو زرداری محلہ لوکل بورڈ میں صحافی جان محمد مہر کی رہائش گاہ آئے اور صحافی جان محمد مہر کے بھائی کرم اللہ مہر، برادر نسبتی شاہ زیب مہر اور شکیل احمد مہر سے تعزیت کی۔

چیئرمین بلاول بھٹو زرداری اور بی بی آصفہ بھٹو زرداری نے سکھر پریس کلب کے صدر چوہدری ارشاد، سکھر یونین آف جرنلسٹ کے صدر امداد بوزدار اور انس گھانگھرو، سرکش سدایو سمیت کے ٹی این کے عملے سے بھی اظہار افسوس کیا۔

بلاول بھٹو زرداری اور بی بی آصفہ بھٹو زرداری نے صحافی جان محمد مہر کے قتل کی مذمت کرتے ہوئے قاتلوں کو فوری طور پر کیفرکردار تک پہنچانے کا مطالبہ کیا۔

چیئرمین بلاول بھٹو کا اس موقع پر کہنا تھا کہ صحافی جان محمد مہر پورے ملک کے اثاثہ تھے، ہم صرف اتنا کر سکتے ہیں کہ جان محمد مہر کے لواحقین کو انصاف دلوائیں، جس طرح سے کیس کی تحقیقات کی جانی تھی وہ نہیں ہو رہی، پورے سندھ کا مطالبہ ہے جان محمد مہر کے خون کے ساتھ انصاف کیا جائے، مجھے امید ہے نگران وزیر اعلیٰ جان محمد مہر کے قاتلوں کے خلاف سخت کارروائی کریں گے، ہمارے کچے میں دہشت گردوں کے اسلحہ پہنچ گئے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں