نگران وفاقی وزیر برائے تجارت گوہر اعجاز نے کہا ہے کہ انقلابی زرعی ترقی کیلئےازبکستان کے راستے پر چلنے کی ضرورت ہے۔

تفصیلات کے مطابق نگران وفاقی وزیر برائے تجارت گوہر اعجاز نے اسلام آباد میں جمہوریہ ازبکستان کے یوم آزادی میں شرکت کی۔

اس موقع پر نگران وفاقی وزیر برائے تجارت گوہر اعجاز نے کہا کہ سینٹرل ایشیا کے ساتھ 50 بلین ڈالر کی تجارت کا سکوپ ہے، رواں سال کے اندر ازبکستان کے ساتھ 1 بلین ڈالر کی تجارت کے قابل ذکر حصول کا عہد کرتا ہوں۔

انہوں نے کہا کہ گزشتہ چار سالوں میں، پاکستان اور ازبکستان نے اپنے دوطرفہ تجارتی تعلقات کو بحال کرنے میں خاطر خواہ پیش رفت کی ہے، جس میں تجارت 2020-2019 میں 27 ملین ڈالر سے بڑھ کر 2023-2022 میں 126.05 ملین ڈالر تک پہنچ گئی۔

 ان کا کہنا تھا کہ انقلابی زرعی ترقی کے لیے ازبکستان کے راستے پر چلتے کی ضرورت ہے، ازبکستان کے عوام کو دلی مبارکباد پیش کرتا ہوں۔

 نگران وفاقی وزیر برائے تجارت گوہر اعجاز نے تجارت کی اہمیت پر بات کرتے ہوئے پیغمبر اسلام ﷺ کی تعلیمات کا حوالہ دیا اور کہا کہ حقیقی ترقی کے لیے ان ﷺ کے نقش قدم پر چلنے کی ضرورت ہے۔

اس موقع پر ازبکستان کے سفیر نے مسٹر گوہر کے وژن اور کوششوں کا خیرمقدم  کیا جبکہ ڈاکٹر گوہر اجاز نے ازبکستان کے ایمبیسڈر اور دیگر معززین کے ساتھ کیک بھی کاٹا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔