پاکستان پیپلزپارٹی کے چیئرمین بلاول بھٹو زرداری سے بلاول ہاؤس میں پیپلزپارٹی رہنما امتیاز شیخ نے ملاقات کی ہے۔

تفصیلات کے مطابق ملاقات میں سندھ کے سابق وزیر برائے توانائی نے شکارپور کی سیاسی صورت حال سے آگاہ کیا۔

پاکستان پیپلزپارٹی کے چیئرمین بلاول بھٹو زرداری سے بلاول ہاؤس پی پی پی سندھ کے ڈپٹی جنرل سیکریٹری ناصر شاہ نے اپنے صاحبزادوں سید محمد علی شاہ، سید اکبر شاہ اور سید ظہیر حسین شاہ کے ہمراہ اپنے صاحبزادے سید اکبر شاہ کے ولیمے کا دعوت نامہ بھی دیا۔

 اس کے علاوہ چیئرمین پیپلزپارٹی بلاول بھٹو زرداری سے پاکستان پیپلزپارٹی شعبہ خواتین کی کراچی ڈویژن کی صدر اور سابق رکن قومی اسمبلی شاہدہ رحمانی کی ملاقات ہوئی ہے۔

تفصیلات کے مطابق ملاقات میں بلاول بھٹو زرداری اور سیکریٹری ویمنز پارلیمنٹری کاکس کی جنرل سیکریٹری شاہدہ رحمانی کے درمیان سیاسی و تنظیمی صورت حال پر بات چیت ہوئی۔

چیئرمین پیپلزپارٹی بلاول بھٹو زرداری کو شاہدہ رحمانی نے تمام سیاسی جماعتوں کی خواتین اراکین پارلیمان کی انتخابی منشور سے متعلق تجاویز کو پیش کیا۔

بلاول بھٹو زرداری کو تمام سیاسی جماعتوں کی خواتین اراکین پارلیمان کی تنظیم کاکس کی جانب سے اعزازی شیلڈ کو پیش کیا۔

چیئرمین بلاول بھٹو زرداری کو شاہدہ رحمانی نے تمام سیاسی جماعتوں کی خواتین اراکین پارلیمان کی تنظیم کاکس کی سالانہ رپورٹ کو بھی پیش کیا۔

بلاول بھٹو زرداری کو شاہدہ رحمانی نے صنف کی بنیاد پر بجٹ کی تقسیم کے اسٹریٹجی پیپر کو بھی پیش کیا۔

علاوہ ازیں پاکستان پیپلزپارٹی کے چیئرمین بلاول بھٹو زرداری سے بلاول ہاؤس میں سابق وزیراعلیٰ سندھ سید قائم علی شاہ نے ملاقات کی، اس موقع پر مجموعی سیاسی صورت حال پر تبادلہ خیال ہوا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔