رہنما پیپلز پارٹی شازیہ مری نے کہا ہے کہ صرف پیپلز پارٹی ہی جمہوریت کیلئے قربانیاں دیتی ہے۔

 تفصیلات کے مطابق رہنما پیپلز پارٹی شازیہ مری نے جلسے سے خطاب کرتے ہوئے کہا کہ الیکشن سے بھاگنے والی جماعتوں کے لئے یہ جلسہ سبق ہے، پیپلز پارٹی الیکشن کے لئے ہر وقت تیار ہے۔

انہوں نے کہا کہ ہمارا مطالبہ ہے کہ فی الفور الیکشن کی تاریخ کا اعلان کیا جائے، ملک میں جمہوری عمل کا تسلسل ضروری ہے، صرف پیپلز پارٹی ہی جمہوریت کے لیے قربانیاں دینے والی جماعت کے طور پر جانی جاتی ہے۔

ان کا کہنا تھا کہ فیصل میر نے ابھی سے الیکشن کی تیاری شروع  کردی ہیں، امید ہے پنجاب کے مزید حلقوں میں اسی طرح ورکرز کو تیار کیا جائے گا، ورکرز کو ووٹرز کو پولنگ اسٹیشنوں تک لانے اور ووٹ کا تحفظ کرنے کی تربیت ہونی چاہیے، پیپلز پارٹی نے تمام مذاہب کو ساتھ رکھا ہے، جڑانوالہ واقعہ پر مسیحی برادری کے ساتھ کھڑے ہیں۔

رہنما پیپلز پارٹی شازیہ مری نے مزید کہا کہ شہید ذوالفقار علی بھٹو اور بینظیر بھٹو کے فلسفے سے پاکستان کو قائد اعظم کا پاکستان بنائیں گے، سیاست میں بدتمیزی کی مذمت کرتے ہیں، بینظر بھٹو کے ساتھ نواز شریف نے میثاق جمہوریت پر دستخط کئے، اگر میثاق جمہوریت ڈھونگ اور ناٹک تھا تو مسلم لیگ ن بتادے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔