نگران وزیراعلیٰ بلوچستان میر علی مردان خان ڈومکی نے کہا ہے کہ حکومت مہنگائی کی روک تھام کر کے عوام کو بھرپور ریلیف دینا چاہتی ہے۔

تفصیلات کے مطابق نگران وزیراعلیٰ بلوچستان میر علی مردان خان ڈومکی کی زیر صدارت محکمہ خوراک کے امور پر اجلاس ہوا جس میں سیکریٹری محکمہ خوراک مجیب الرحمان نے محکمانہ امور، صوبے میں گندم اور آٹے کی صورتحال سمیت دیگر امور پر اجلاس کو بریفنگ دی۔

نگران وزیراعلیٰ نے اس موقع پر محکمہ خوراک کو مارکیٹ میں گندم اور آٹے کی دستیابی کو یقینی بنانے کی ہدایت کرتے ہوئے کہا کہ آٹے کی قیمتوں میں استحکام پیدا کیا جاۓ، محکمہ خوراک ڈویژن اور ضلع کی سطح پر آٹے کے ساتھ ساتھ دیگر اشیاء و خورد ونوش کی قیمتوں کو بھی کنٹرول کرے، مرولز آف بزنس میں وقت کی ضرورت کے مطابق ضروری تبدیلیاں لا کر محکمہ خوراک کے مینڈیٹ کو بڑھایا جاۓ۔

نگران وزیر اعلیٰ نے کہا کہ مارکیٹ کے تقاضے کے مطابق آٹا اور دیگر اشیاء خوردونوش کی ڈیمانڈ اور سپلائی میں توازن پیدا کیا جاۓ، وزیر اعلیٰ معائینہ ٹیم سرکاری سطح پر خریدی کئی گئی گندم کا معیار چیک کرے، محکمہ خوراک ضلعی انتظامیہ کے اشتراک سے گندم اور چینی کی سمگلنگ کے تدارک اور زخیر ہ اندوزی کا خلا ف کارروائی کرے۔

میر علی مردان خان ڈومکی نے کہا کہ محکمہ خوراک مارکیٹ کی صورتحال کی بھی نگرانی کر کے گندم کے ملوں کو اجراء کی اسٹریٹیجی بنائے، حکومت مہنگائی کی روک تھام کر کے عوام کو بھرپور ریلیف دینا چاہتی ہے، متعلقہ محکموں اداروں اور ضلعی انتظامیہ کو قیمتوں میں استحکام لانے کے لیۓ بھرپور کردار ادا کرنا ہو گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں