مسلم لیگ (ق) کے سربراہ چوہدری شجاعت حسین نے بڑا سرپرائز دے دیا ہے۔

 تفصیلات کے مطابق صدر پاکستان مسلم لیگ (ضیاء) اجازالحق نے مسلم لیگ (ق) کے سربراہ چوہدری شجاعت حسین سے ملاقات کی جس میں سیاسی اور معاشی صورتحال پر تفصیلی تبادلہ خیال کیا گیا۔

ملاقات میں دونوں رہنماؤں نے ملک کی بہتری کے لیے اپنا کردار ادا کرتے رہنے کا عزم کیا۔

   صدر پاکستان مسلم لیگ (ضیاء) اجازالحق نے کہا کہ چوہدری شجاعت حسین میرے بڑے ہیں اور میرا ان سے 40 سال سے تعلق ہے۔

انہوں نے کہا کہ چوہدری شجاعت حسین صاحب کا سیاست میں بہت اہم کردار ہے اور میں ہمیشہ کی طرح آنے والے دنوں میں بھی چوہدری شجاعت حسین صاحب سے رہنمائی لیتا رہوں گا۔

 مسلم لیگ (ق) کے سربراہ چوہدری شجاعت حسین نے کہا کہ اسپیشل انویسٹمنٹ فیسیلیڑیشن کونسل بننے سے لوگوں کا اعتماد بحال ہوا ہے۔

انہوں نے کہا کہ اس سب میں آرمی چیف کا اہم کردار ہے اور ایسے اقدامات کی وجہ سے ملک کی معیشت درست سمت کی جانب گامزن ہوئی ہے۔

چوہدری شجاعت حسین نے کہا کہ سارے سیاستدانوں کو بھی چاہیے کہ وہ اپنی سیاست سے بالاتر ہو کر ملکی مفاد میں اپنا کردار ادا کریں اور عوام کے لیے مہنگائی کو فلفور کنٹرول کیا جائے۔

 ملاقات میں جنرل سیکرٹری پنجاب چوہدری شافع حسین اور سینئر نائب صدر پاکستان مسلم لیگ چوہدری سالک حسین بھی موجود تھے ۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں