اسلام آباد کی مارکیٹ میں بخار کے غیر معیاری سیرپ کی فروخت کا انکشاف ہوا ہے۔

تفصیلات کے مطابق ڈریپ نے بخار کی دوا کا ایک بیچ غیر معیاری قرار دے دیا، ڈرگ ریگولیٹری اتھارٹی کی جانب سے پیڈرال سسپنشن کا پراڈکٹ ری کال الرٹ جاری کر دیا گیا ہے۔

ڈریپ الرٹ میں بتایا گیا ہے کہ پیڈرال سسپنشن پیراسیٹامول فارمولہ سے تیارکردہ ہے، پیڈرال سسپنشن کا بیچ 167 کو غیر معیاری قرار دیا گیا ہے، پیڈرال سسپنشن جے اے ایس ایم فارما رسالپور کی تیارکردہ ہےؕ

الرٹ کے مطابق پیڈرال بیچ کو فیڈرل ڈرگ اینالسٹ، سی ڈی ایل کراچی نے غیر معیاری قرار دیا، پیڈرال سسپشن ری کال الرٹ شہری، ڈاکٹرز، کیمسٹ کیلئے جاری کیا گیا ہےؕ

ڈریپ الرٹ میں کہا گیا کہ پیڈرال سسپنشن بخار، جسم درد کے علاج میں استعمال کیا جاتا ہے، ڈاکٹرز مریض کو پیڈرال سسپنشن کا متاثرہ بیچ استعمال نہ کرائیں۔

ڈرگ ریگولیٹری اتھارٹی نے بتایا کہ غیر معیاری دوا کا استعمال مریض کی جان کیلئے خطرناک ہو سکتا ہے، غیر معیاری دوا کا استعمال جگر، گردے کیلئے نقصان دہ ہو سکتا ہے، بخار کی غیر معیاری دوا کا استعمال خون کی خرابی کا باعث بن سکتا ہے۔

الرٹ کے مطابق فارما کمپنی پیڈرال سسپنشن کا متاثرہ بیچ سپلائی نہ کرے، کمپنی پیڈرال سسپنشن کا متاثرہ بیچ مارکیٹ سے واپس اٹھوائے۔

ڈریپ الرٹ میں مزید کہا گیا کہ کیمسٹ پیڈرال سسپنشن کا متاثرہ بیچ فارما کمپنی کو واپس کریں اور ڈریپ کی صوبائی ٹیمیں میڈیسن مارکیٹ میں سرویلنس بڑھائیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔