گورنر پنجاب محمد بلیغ الرحمان سے پاکستان میں تعینات جاپان کے سفیر واڈا مٹسوہیرو کی ملاقات ہوئی جس میں تجارت، سیاحت اور تعلیم کے شعبوں میں دوطرفہ تعاون کو بڑھانے پر تبادلہ خیال کیا گیا۔
ملاقات میں گورنر پنجاب نے جاپانی سفیر کو ٹیکسٹائل، اسپورٹس اور چمڑے کی مصنوعات کی جاپان میں ایکسپورٹ کے لیے پاکستان کو جی ایس پی اسکیم میں شامل کرنے کی طرف متوجہ کیا۔
گورنر پنجاب نے ملاقات میں گفتگو کرتے ہوئے کہا کہ پاکستانی کی ٹیکسٹائل انڈسٹری میں سپنگ ملز جاپانی ٹیکنالوجی استعمال کر رہی ہیں، جاپان کی طرف سے ترجیحی تجارتی سہولتیں ملنے سے دونوں ممالک کے درمیان تجارتی تعلقات میں اضافہ ہو گا۔
انہوں نے کہا کہ جاپان میں مقیم پاکستانی اس کی معیشت کی ترقی میں مثبت کردار ادا کر رہے ہیں، یہ پاکستانی استعمال شدہ کاروں اور حلال فوڈ کی ایکسپورٹ میں بھی اہم کردار ادا کر رہے ہیں۔
بلیغ الرحمان نے کہا کہ جاپانی آٹو موبائلز کی اچھے معیار کی وجہ سے پاکستان میں مانگ ہے، جاپان کا مختلف پاکستانی کمپنیوں کو ٹیکنالوجی میں اشتراک کو سراہتا ہوں۔
انکا کہنا تھا کہ تعلیمی شعبے میں دونوں ممالک کے طلبہ کے وفود کے تبادلے ہونے چاہئیں، جاپان سے طلبہ یہاں آ کر یونیورسٹیوں میں تعلیم حاصل کریں۔
گورنر پنجاب نے مزید کہا کہ پاکستان اور جاپان کے درمیان تجارت کا حجم بڑھانے کی ضرورت ہے، جاپان اپنی ٹریول ایڈوائزری پر نظرثانی کرے، پاکستان سیاحتی اعتبار سے پرامن ملک ہے۔
دوسری جانب جاپانی سفیر نے کہا کہ پاکستان کے ساتھ عوامی سطح پر رابطے بڑھانے کے لیے تعلیمی اور تجارتی وفود کے تبادلوں کی ضرورت ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News