اسلام آباد: نگران وزیر خزانہ شمشاد اختر نے کہا ہے کہ حکومتی ملکیتی اداروں کے نقصانات 500 ارب روپے تک پہنچ گئے ہیں۔

نگران وزیر خزانہ شمشاد اختر نے میڈیا سے گفتگو کرتے ہوئے کہا کہ حکومت ریاستی ملکیتی اداروں کے نقصانات برداشت کررہی ہے، 10 منافع بخش اور نقصان میں چلنے والے اداروں کی فہرست بنالی ہے۔

انہوں نے کہا کہ حکومتی ملکیتی اداروں کے نقصانات 500 ارب روپے تک پہنچ گئے ہیں، جو اچھا کام ہوا ہے اسے آگے لیکر چلیں گے۔

شمشاد اختر نے کہا کہ سرکاری کمپنیز خدمات دینے میں ناکام رہیں، سرکاری کمپنیز کے حالات بدلنے کے لیے پالیسی لے کرآئیں گے، وزارت خزانہ مسلسل سرکاری کمپنیز کو بچانے کے لیے فنڈز دے رہی ہے۔

نگران وزیر خزانہ نے کہا کہ سرکاری کمپنیز کو متعلقہ وزارتوں کی ماتحتی سے نکالیں گے، سرکاری کمپنیز کو متعلقہ وزارت کے احکامات ماننا نہیں پڑیں گے، سرکاری کمپنیز کو خود مختار بنانے کے لیے پالیسی پیش کردی ہے، کمپنیز کے لیے پالیسی وزارت خزانہ کی ویب سائٹ پر بھی ہے۔

انکا کہنا ہے کہ نجکاری کے لیے فیصلے ایک تیار شدہ لسٹ کے تحت ہوں گے، نجکاری کے لیے مکمل وفاقی وزیر موجود ہیں، نگران حکومت نجکاری سمیت اہم معاشی امور پر فیصلے کرسکتی ہے، نجکاری کے لیے نگران حکومت ایک قانونی مینڈیٹ دیا گیا ہے۔

شمشاد اختر نے کہا کہ سرکاری کمپینز کیلئے سینٹرل مانیٹرنگ یونٹ قائم کریں گے، فنانشل نقصانات کے ازالے کیلئے وزارت خزانہ مدد کرے گی۔

نگران وزیر خزانہ نے مزید کہا کہ حکومتی ملکیتی اداروں کی تنظیم نو کی جارہی ہے، حکومتی ملکیتی اداروں میں کسی قسم کی مداخلت نہیں کی جائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں