وزیرخزانہ شمشاد اختر نے کہا ہے کہ سرکاری اداروں کی شفافیت اور پائیداری کے ذریعے منافع کو بہتر بنانا ہوگا۔

تفصیلات کے مطابق وزیرخزانہ شمشاد اختر کی زیرصدارت کابینہ کمیٹی برائے سرکاری کمپنیز کا اجلاس ہوا جس میں سرکاری کمپنیوں کے گورننس کے ڈھانچے، کارکردگی اور احتساب کے طریقہ کار کا جائزہ لیا گیا۔

وزیر خزانہ نے ریگولیٹرز کے ذریعہ “فٹ اور مناسب معیار” کی بہتر جانچ پڑتال کی اہمیت پر بھی زور دیا۔

 وزیرخزانہ شمشاد اختر نے کہا کہ سرکاری کمپنیوں کے حجم کو کم کرنا چاہتے ہیں، کارپوریٹ گورننس کو بہتر بنانے کے لیے متعلقہ قوانین اور قواعد میں ابہام کو درست کرنا ہوگا، ایس او ای میں بورڈ آف گورننس کے لیے ضابطہ اخلاقپر عمل درآمد کرنا ہے، ایس او ای کی بدانتظامی کو جاری رکھنے کی اجازت نہیں دی جا سکتی، سرکاری اداروں کی بہتر کارکردگی، شفافیت اور پائیداری کے ذریعے منافع کو بہتر بنانا ہوگا۔

اجلاس میں وزیر نجکاری فواد حسن فواد، وزیر مواصلات، میری ٹائم اور ریلویز شاہد اشرف تارڑ، وزیر برائے بجلی و پیٹرولیم محمد علی اور دیگر نے بھی شرکت کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔