پاکستان اور بیلاروس کا سفارتی تعلقات کو آگے بڑھانے کے عزم کا اعادہ

ویب ڈیسک

20th Sep, 2023. 10:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور بیلاروس کا سفارتی تعلقات کو آگے بڑھانے کے عزم کا اعادہ

نگران وزیر خارجہ جلیل عباس جیلانی کی بیلاروس کے وزیر خارجہ سرگئی ایلینک سے ملاقات ہوئی جس میں دونوں وزرائے خارجہ نے پاکستان اور بیلاروس کے درمیان سفارتی تعلقات کو آگے بڑھانے اور مضبوط بنانے کے عزم کا اعادہ کیا۔

تفصیلات کے مطابق نگران وزیر خارجہ اور بیلاروس کے وزیر خارجہ کے درمیان ملاقات اقوام متحدہ جنرل اسمبلی کے 78 ہویں اجلاس کی سائیڈ لائنز پر ہوئی۔

ملاقات میں فریقین نے جنوری میں پاک بیلاروس مشترکہ اقتصادی کمیشن کے چھٹے اجلاس کے معاہدوں پر عمل درآمد کی پیش رفت کا جائزہ لیا۔

دونوں وزرائے خارجہ نے دو طرفہ تعاون پر بھی تبادلہ خیال کیا اور بین الاقوامی اور علاقائی تنظیموں کے اندر تعاون بڑھانے کے عزم کا اظہار کیا۔

اس موقع پر وزیر خارجہ ایلینک نے ایس سی او میں بیلاروس کی رکنیت میں پاکستانی حمایت پر شکریہ ادا کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں