ڈرائیونگ لائسنس بنوانے کے خواہشمند افراد کیلئے بڑی خبر آگئی ہے۔

تفصیلات کے مطابق سی ٹی او لاہور مستنصرفیروز کا کہنا ہے کہ شہری لائسنس کے حصول کیلئے صرف شناختی کارڈ کے ہمراہ لائسنس دفاتر تشریف لائیں جہاں پر شہریوں کو رینول، انٹرنیشنل، ڈوپلیکیٹ اور فریش لائسنس سمیت دیگر سہولیات فراہم کی جارہی ہیں۔

انہوں نے کہا کہ شہر کے تین بڑے ڈرائیونگ ٹیسٹنگ سینٹرز، خدمت مرکز مون مارکیٹ کو 7 دن میں 24 گھنٹے شہریوں کیلئے کھلا رکھا جائے گا۔

سی ٹی او لاہور نے کہا کہ شہری لائسنس سروسز سے زیادہ سے زیادہ استفادہ حاصل کریں۔

دوسری جانب آئی جی پولیس پنجاب ڈاکٹر عثمان انور کی ہدایت پر شہریوں کی سہولت کیلئے پنجاب پولیس نے ای ڈرائیونگ لائسنس کا آغازکر دیا ہے۔

آئی جی پنجاب پولیس کا کہنا ہے کہ پاکستان میں پہلی بار پنجاب پولیس نے ای ڈرائیونگ لائسنسنگ کا آغاز کیا ہے۔

انہوں نے کہا کہ شہری ٹریفک پولیس پنجاب کی ویب سائٹ ڈی ایل آئی ایم ایس (DLIMS) پر قومی شناختی کارڈ اور تاریخ پیدائش اندراج کے بعد با آسانی اپنا الیکٹرانک لائسنس حاصل کر سکیں گے۔

آئی جی پنجاب پولیس کا کہنا ہے کہ پی ڈی ایف فارم میں ڈاؤن لوڈ کر کے موبائل میں محفوظ کر سکتے ہیں، ڈاؤن لوڈ پی ڈی ایف ڈرائیونگ لائسنس کو دوران سفر استعمال کر سکتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں