وفاقی وزیر صحت ڈاکٹر ندیم جان نے عوام سے انسانی زندگیوں کو بچانے کیلئے دل کھول کر خون کے عطیات کرنے کی اپیل کی ہے۔

ترجمان وزارت صحت کے مطابق وفاقی وزیر صحت ڈاکٹر ندیم جان کی ہدایت پر ریجنل بلڈ سنٹر اسلام آباد نے بلڈ کیمپس کا انعقاد کیا گیا ہے، بلڈ کیمپ ایف نائن پاک اسلام آباد میں لگایا گیا ہے، اسلام آباد کے نوجوان نے خون کے عطیات بھی دیے۔

 وفاقی وزیر صحت ڈاکٹر ندیم جان نے کہا کہ وزارت صحت محفوظ خون کے انتقال کیلئے مؤثر اقدامات کو یقینی بنارہی ہے، ریجنل بلڈ سنٹر سکریننگ کے زریعے محفوظ انتقال خون کی ترسیل کو یقینی بناتا ہے، وفاقی ہسپتالوں میں ایمرجنسی اور انسانی زندگیوں کو بچانے کیلئے خون کی ضروریات کو پورا کرنے میں اہم کردار ادا کرتا ہے۔

ڈاکٹر ندیم جان نے کہا کہ ریجنل بلڈ سنٹر کو مکمل طور پر فعال کرنے کیلئے ایک مربوط حکمت عملی تشکیل دی ہے، عوام سے اپیل ہے انسانی زندگیوں کو بچانے دل کھول کر خون کے عطیات دیں، قرآن مجید میں ارشاد باری تعالیٰ ہے جس نے ایک انسان کی جان بچائی گویا اس نے پوری انسانیت کی جان بچائی۔

وفاقی وزیر صحت ڈاکٹر ندیم جان نے کہا کہ ہسپتالوں میں جدید اور معیاری سہولیات کی فراہمی کیلئے عملی اقدامات کیے جارہے ہیں، ریجنل بلڈ سنٹر کے سٹاف کو کوششوں کو خراج تحسین پیش کرتا ہوں، ادارے کی بہتری اور کارکردگی کو بڑھانے بھر پور اقدامات کو یقینی بنارہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں