نگران وزیر خارجہ جلیل عباس جیلانی نے کہا ہے کہ پاکستان ایس سی او میں اپنا بھرپور کردار ادا کرتا رہے گا۔

جلیل عباس جیلانی نے بشکیک میں شنگھائی تعاون تنظیم (ایس سی او) کے سربراہان حکومت کونسل کے اجلاس سے خطاب کرتے ہوئے کہا کہ پاکستان میں سرمایہ کاری کے بےشمار مواقع موجود ہیں، ہر میدان میں ایک دوسرے کے تجربات سے فائدہ اٹھانا ہوگا۔

انہوں نے کہا کہ سی پیک علاقائی ترقی میں اہم کردار ادا کررہا ہے، سی پیک سے ایس سی او ممالک میں رابطوں کو فروغ ملے گا۔

نگران وزیر خارجہ نے کہا کہ ایس سی او ارکان کان کنی، توانائی، آئی ٹی میں سرمایہ کاری کرسکتے ہیں، ہر میدان میں ایک دوسرے کے تجربات سے فائدہ اٹھانا ہوگا۔

جلیل عباس جیلانی نے مزید کہا کہ ایران کو مکمل رکن کے طور پر ایس سی او میں شامل کیا گیا ہے، پاکستان ایس سی او میں کردار ادا کرتا رہے گا، ایس سی او فورم معیشت کی بحالی کے لیے کردار ادا کرتا رہے گا۔

واضح رہے کہ نگران وزیر خارجہ جلیل عباس جیلانی شنگھائی تعاون تنظیم کے سربراہان حکومت کے بائیسویں (22ویں) اجلاس میں پاکستانی وفد کی قیادت کر رہے ہیں۔

اجلاس میں چین، قازقستان، کرغزستان، روس، تاجکستان اور ازبکستان کے حکومتی سربراہان، ایران کے نائب صدر اور پاکستان اور ہندوستان کے وزرائے خارجہ نے شرکت کی۔

اس کے علاوہ شنگھائی تعاون تنظیم کے مبصر ممالک بیلاروس اور منگولیا کے ساتھ ساتھ مہمان ریاست ترکمانستان بھی اجلاس میں شریک ہوئے۔

حکومت کے سربراہان کی کونسل شنگھائی تعاون تنظیم کا دوسرا اعلیٰ ترین فورم ہے، یہ بنیادی طور پر معیشت، مالیات، تجارت اور سماجی و اقتصادی تعاون کے شعبوں پر توجہ مرکوز کرتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔