نگران وزیراعظم انوار الحق کاکڑ سے نگران وزیرِ اعلیٰ بلوچستان سردار علی مردان خان ڈومکی کی ملاقات ہوئی۔

تفصیلات کے مطابق ملاقات میں نگران وزیر اعلیٰ نے وزیراعظم کو بلوچستان میں نیشنل ایکشن پلان کے نفاذ کے لیے منعقد ہونے والے ایپکس کمیٹی کے 14ویں اجلاس کے متعلق بریفنگ دی۔

اس دوران نگران وزیر اعلیٰ نے وزیراعظم کو صوبہ بلوچستان میں امن و امان کی موجودہ صورتحال سے آگاہ کیا۔

ملاقات میں نگران وزیر داخلہ میر سرفراز احمد بگٹی بھی موجود تھے۔

دوسری جانب نگران وزیر اعظم انوار الحق کاکڑ نے افغانستان کے شہر ہرات میں زلزلہ میں قیمتی جانوں کے ضیاع پر دکھ کا اظہار کیا ہے۔

سماجی رابطے کی ویب سائٹ ٹوئٹر پر اپنے ایک پیغام میں نگران وزیر اعظم انوار الحق نے کہا کہ افغانستان کے شہر ہرات میں تباہ کن زلزلے پر بہت دکھ ہوا، دکھ کی اس گھڑی میں افغان عوام کے ساتھ ہیں۔

وزیرا عظم نے کہا کہ مشکل وقت میں افغان عوام سے اظہار یکجہتی کرتے ہیں، این ڈی ایم اے کو متاثرین ہرات کے لئے امداد بھیجنے کی ہدایت کی ہے، متاثرین  کے لئے خیمے کمبل اور فلیڈ میڈیکل ٹیم کے ہمراہ بھیجنے کی ہداہت کی ہے۔

انوار الحق کاکڑ نے کہا کہ افغان حکومت نے میڈیکل ٹیم اور امدادی سامان بھجوانے کی درخواست کی تھی، اور ان کی اس ہی درخواست کی بنا پر ہم امدادی سامان بھیج رہے ہیں۔

واضح رہے کہ کچھ دن قبل افغانستان کے صوبے ہرات میں 6.3 شدت کا زلزلہ ریکارڈ کیا گیا جس کے سبب انفرا اسٹرکچر کو شدید نقصان پہنچا جبکہ بادغیس اور فرح صوبے میں بھی آفٹر شاکس محسوس کیے گئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں